Sjallaflokkur hefur sennilega náð yfirhöndinni varðandi stjórnarmyndun.

Það hefur verið merkilegt að fylgjast með spunanum og leikritinu sem Framsókn setti á svið eftir að þeir fengu svokallað umboð í sínar hendur.  Augljóslega var megintilgangur spunans að stilla öllum hinum flokkunum upp við vegg.  Láta svona í veðrinu vaka að allir vildu í stjórn með Framsókn í þeim tilgangi að gera Sjalla auðveldri í taumi varðandi stjórnarmyndun.

Því það er ekkert launungarmál að Sjallaflokkur er óska samstarfsaðili Framsóknar enda málefnaágreiningur þeirra á milli nánast enginn.  Málefni beggja miða að því að auka hag velstæðra á kostnað hinna verr settu í þjóðfélaginu sem hægri flokkum er títt.  Sjallaflokkur er svona hefðbundinn hægriflokkur með samt talsverða breidd og nokkra arma en Framsókn popúlískur hægriflokkur í ætt við Dansk Folkeparti.

Í gær mátti sjá ákveðin snúningspunkt þar sem Sjallar snupruðu Framsókn.  Furðulegt útspil Framsóknar  þar sem Sigurður greyið Ingi var sendur á spunarokkinn með einhvern graut sem fáir botnuðu í.  

Þá gerðist það að Bjarni Ben loggaði sig inná facebook og bókstaflega snupraði Sigmund Davíð.  

Í dag er Sigmundur svo ljúfur eins og lamb og virkar hálf skömmustulegur.

Þetta bendir allt eindregið til þess að Sjallar hafi náð yfirhöndinni.  Þetta bendir líka til að Sigmundur verði ekki forsætisráðherra.  

Sjallar munu líklega verða í mikilvægustu ráðherraembættunum en Framsókn mun fá ýmsa bitlinga - en það líkar þeim yfirleitt vel.  Framsókn líkar vel ef þeir fá frítt spil við þjóðarkjötketilinn.  Þá rennur munnvatnið bókstaflega úr Framsóknargininu.

Stefnir því í kunnuglegt mynstur.  Same old, same old.