Hvernig munu Sjallar taka á Loforði Framsóknar um að láta útlendinga borga skuldir fólks?

Ljóst er að fólk kaus Framsókn útá þetta og á þessu hömruðu þeir vikurnar fyrir kosningar.  Ætluðu að afnema skuldir fólks og útlendingar borga.  Svona post-icesave dæmi, má segja.  Enda nefndi Guðni fv. formaður Framsóknar það efni í samanburði í TV.

Nú, kalt á litið og raunsætt - þá er umrætt Loforð ,,fullkomið rugl" eins og sagt hefur verið.  Allir málsmetandi menn eru sammála um það.

Það er alveg vitað að það er ekkert að koma hérna einhverjir 400 milljarðar frá útlendingum á næstunni og ekki þetta árið - og líklega aldrei með þeim hætti sem formaður Framsóknar talar um.

Spurningin er því hvernig sé hægt að fóðra þetta  í burtu og hvort það verði nógu afgerandi til að Sjallar sætti sig við það.  Eg stórefa að Sjallar vilji hafa slíkt Loforð á sínu baki enda eru þeirra loforð, þó stór séu og digur, með allt annari framsetningu og afar auðvelt er að fóðra þau í burtu.

Á RUV í dag fannst mér örla á efa hjá Bjarna í sambandi við Framsókn.  Sérstaklega þegar Formaðurinn Framsóknar fór að tala um Loforðið.  Það mátti sjá efa bregða fyrir hjá Bjarna.

Þessvegna er etv. of snemmt að garantera samstjórn B&D.  

En ef uppúr slitnar vegna Loforðsins - þá er mun líklegra að Sjallaflokkur snúi sér annað heldur en að Framsókn eigi heimboð víða.  Þetta Loforð verður allstaðar fyrirstaða.  Ég er ekki að sjá að nokkur flokkur geti tekið undir Loforðið.  

Eins og Guðmundur Steingríms benti á, afar skarplega, þá hefur dæmið víðtæka galla og vankanta.

Segjum sem svo að Ríkið fái 400 milljarða frá útlendingum í tekjur einhverntíman í óræðri framtíð - þá er mikil bjartsýni og óraunsæi að halda það, þó í tísku sé núna,  að þá verði bara algjör samstaða um að láta þær tekjur Ríkisins renna til húsnæðisskulda þeirra sem ekkert þurfa á aðstoð að halda.

Skrítið að enginn hafi bent á þennan ofureinfalda punkt fyrr.  Augljóslega mun allt loga ef Framsókn ætlar að fara að láta 400 milljarða af tekjum Ríkis renna til vel efnaðra og þeirra sem ekkert þurfa á slíkum peningum að halda.  Mikil skammsýni af Framsókn að fara svona fram með þetta - en jú jú, þeir voru að kaupa fólk til fylgis við sig.  Vissulega. 

 

Ekkert umboð til að breyta þjóðfélaginu

Athugasemdir

[Grímur (IP-tala skráð) 29.4.2013 kl. 05:55]

Markmið, stefna, loforð getur loforðið ekki bara orðið að markmiði og þá er stuðningur Guðmunds S öruggur

Það er sama hversu vel Framsókn efnir  loforðið það verður dregið í efa að þeir hafi staðið við það.

[Austur-Íslendingurinn (IP-tala skráð) 29.4.2013 kl. 07:09]

Ég held það sé fyrst og fremst bjartsýniskast framsóknarmanna sem þeir hafa fengið sérstaklega mikið af atkvæðum í þessum kosningum. Kannski eru þeir of bjartsýnir, kannski ekki. Er það ekki einmitt það sem við þurfum akkurat núna? Síðan frá hruni hefur þjóðin verið töluð niður í svaðið, jafnvel af eigin þegnum hvað eftir annað. Við skuldum, við skuldum við skuldum. Á dómsins æðsta degi skuldum við... Ekki fyrr.

Ég hef aldrei haft nokkrar einustu áhyggjur af skuldum mínum hvort sem er af bíl húsi, yfirdrætti eða neinu öðru. Og það er ekki fyrir það að ég skuldi ekki peninga - Ég skulda mikla peninga.

En það sem ég þarf er áfallahjálp. Í bráðum 5.ár hef ég þurft að hlusta á endalaust suð um Icesafe, kúlulán, útrásarvíkinga, fjárglæframenn, vogunarsjóði og fleira. Helmingurinn af þessum orðum er ofar mínum skilningi. Nú er komin tími til upprisu. Ég vil að mín elskaða þjóð taki sig saman í andlitinu og hætti þessu andsk. væli. Nú þarf leiðtoga í landið sem þorir að vera bjartsýnn og talar ekki um of um vandræði fyrri tíma. Við erum kominn upp úr gröfinni og erum ferðbúin og ætlum upp um fjöll.

[Ellert Júlíusson, 29.4.2013 kl. 09:41]

Þetta er náttúrulega æðisleg staða. Báðir flokkar "þurfa" að slá af kröfum sínum til að fá hinn í bólið með sér og hvað gerist..

Nú xD "þarf" að slá af kröfum sínum um skattalækkanir og Framsókn "verður" að slá af loforðum sínum um skuldaleiðréttingu :)

Win win fyrir báða flokka og alveg í þeirra anda.