Ofbeldi gegn konum á Papua Nýju Gíneu er ógnvænlegt.

Alþjóðlegar stofnanir hafa gagnrýnt yfirvöld á PNG harðlega fyrir að aðhafast ekki gegn viðvarandi ofbeldi gegn konum á eyjunni.  Talað er um að í raun sé þetta mannleg neyð og aðrir tala um ,,þögla stríðið".  Heimilisofbeldi er viðvarandi og kynferðisleg misbeiting mjög algeng.  

Eyjan er nálægt Ástralíu og þar búa um 6 milljónir.  Afar margir þjóðflokkar sem tala mismunandi tungumál.  Um 20% búa í þéttbýli.

Erfitt að fullyrða um orsakir þessa,  en hafa ber í huga að íbúar Papúa eru margir hluti af sínum ættbálki og oft eru þeir einangraðir og afskekktir.  En ofbeldið er samt sem áður einnig í þéttbýli. 

það virðist sem það sé ríkjandi samþykki meðal karla að þetta sé hið rétta ástand.  Ofbeldið á sér stað á almannafæri - og enginn gerir neitt.   Stundum tengist ofbeldið átökum eða deilum milli ættbálka og slíkt nær einnig inní þéttbýli.

Þessu viðvíkjandi er vert að hafa í huga, að meðal afskekktra ættbálka og einangraðra - þá viðgangast stundum furðulegir siðir og hefðir eða venjur.  Stundum hneygjast margir til að álíta að afskekktir ættbálkar lifi bara í sátt við náttúruna í ró og spekt.  þetta er því miður misskilningur, að minnsta kosti að hluta til.

Staðreyndin er að meðal ofannefndra, þá þríft oft mikil og ótrúleg harka og einhverjir svona siðir eða venjur sem komust á einhverntíman - og afar erfitt er síðan að breyta eða uppræta.   Meðal annars er dálítið ríkjandi það atferli að karlmaðurinn sé konunni æðri og konan sé eign mannsins sem hann geti farið með að vild.  

Í tilfelli Papúa er víða ríkjandi í ættbálkum sú siðvenja að karlmaðurinn vex í áliti, í rauninni, við að beita konu ofbeldi.  Með því sannar hann manndóm sinn og styrkir stöðu sína í samfélaginu.  Jú jú, það er skrítið að sjá svona skrifað - en samt sem áður er það nauðsynlegt til að nálgast skilning á efninu, að mínu mati.  Athygli vekur að ofbeldið virðist aukast ef eitthvað er á síðari árum, að því er virðist.  Hugsanlega er það þó aðeins það,  að athygli er farin að beinast að því og frekar er sagt frá því og talað um það en áður var. 

Ennfremur er ríkjandi svona nokkurskonar galdratrú, með Papúískri útfærslu, og það beinist sérlega að konum.   Þó flestir séu kristnir í landinu er oft haldið fast í gamlar siðvenjur.   Sú trú er talsvert ríkjandi, virðist vera, að konur hafi einhvern illan kraft og geti framkvæmt ýmislegt - jafnvel bara með augnaráðinu.  Og þessu fylgir að konum er oft kennt um allt það sem miður fer.   Þá eru þær stundum brenndar lifandi.  Síðast nú fyrir stuttu:

,,Spurred by the killing this week of a young woman accused of witchcraft in Papua New Guinea, the United Nations on Friday called on the country to address increasing vigilante violence against people accused of sorcery and to revoke a controversial sorcery law." http://www.nytimes.com/2013/02/09/world/asia/un-calls-on-papua-new-guinea-to-curb-violence-after-burning-death-of-woman.html?_r=0

Eg ætla ekki að linka á myndir eða slíkt en aðeins á viðtal við konu sem tjáir sig almennt um þetta en nú er verið að reyna að gera eitthvað í þessu, bæði af alþjóðastofnunum og konum á PNG.