Kýpurmálið.

Nú segir Reuter að þeir hafi drög að samkomulagi kýpverska þingsins um að skatti á innstæður verði breytt á þann hátt að undir 20.000 evrur verði skattfrítt.  Ekki kemur fram hvar eða hvernig eigi þá að auka skatt.  Allt er enn frekar óljóst og hálfgerður véfréttastíll á þessu.

Eftir því sem mál hafa þróast síðan tilkynnt var um aðgerðirnar fyrir 2-3 dögum, að þá virðist afar sennilegt að mun meira sé í þessu máli en birtist á yfirborðinu.

Ljóst er td. núna að útfærsla þessa skatts eða hvernig Kýpur ætlar að fjármagna vandræðin - það er algerlega í höndum þeirra kýpverja.  Það vekur því athygli hvernig þeir fóru að, bæði við  útfærslurnar og eins hvernig þeir báru sig að við að tilkynna þær.  því þetta mál var ekkert að dúkka upp núna.  Búið að vera næstum eitt ár í býgerð.

þetta lítur dáldið mikið þannig út sem ráðamenn á Kýpur séu soldið að stuða erlenda mótparta - ekki síst rússa.    Ennfremur er ljóst að kýpverskir ráðamenn vilja helst af öllu reyna að halda í stöðu landsins sem skattaparadís fyrir auðuga.

Augljóst er af ofansögðu að staðan er snúin og mest af því sem skiptir máli er á bakvið tjöldin.