Roy Keane: Rétt ákvörðun hjá dómaranum að sýna rautt.

6.3.2013 | 02:04

Roy Keane: Rétt ákvörðun hjá dómaranum að sýna rautt.

Um fátt er meira fjallað þetta kvöldið en rauða spjaldið sem Nani fékk í leik Man.United og Madrid. Keane vill meina að Nani hafi gefið dómarinum tilefni til sýna rauða spjaldið. þetta hafi verið hættuspark og hvort Nani hafi ætlað að stoppa andstæðinginn eða hvort hann hafi ekki vitað af manninum - það skipti engu máli. það eina sem skipti máli sé að hættusparkið og þar með hafi Nani gefið dómaranum tilefni til brottreksturs.

Að mínu mati má deila um þetta. þetta er strangur dómur vissulega og óheppilegt fyrir Man. United - en sennilega er það rétt hjá Keane að það er jafnframt hægt að réttlæta ákvörðun dómarans. Keane bendir líka á, að dómarinn ráðfærir sig við aðstoðadómara og veltir málinu fyrir sér í dáldinn tíma. Dómarinn tekur ekki ákvörðun skyndilega. Hann metur stöðuna og atvikið.

Burtséð frá ofansögðu, þá má leiða líkur að því, að Madrid hefði samt unnið þennan leik 11 gegn 11. Þó Man. United hafi byrjað leikinn vel og flest gengið eftir sem þeir lögðu upp með í byrjun - þá er Madrid með slíkt lið að ekki er ólíklegt að leikurinn hefði samt sem áður þróast eins og raunin varð þó ekkert rautt spjald hefði komið. þetta er svo týpískt fyrir sterk lið eins og Madrid að setja aukinn kraft seinnipartinn og í restina.

það má líka setja spurningamerki við viðbrögð Man.United við spjaldinu. það varð eins og hálfgerð upplausn við atvikið. Jafn reynslumikið lið og Man.United á að vera alveg sallarólegt í slíkum tilfellum. Endurskipuleggja og verja fenginn. það gerðist ekki, heldur virtist lið og stjórnendur fá hálfgert sjokk.