Loforðaflaumsbullið um afnám verðtryggingar í upptakti kosninga eftir 2 mánuði er alveg hreint með ólíkindum.

það er ljóst að því fyrr sem tekið verður á þessum loforðaflaumi og bulli - því betra.  Og örlítill séns að eitthvað vit komi í umræðu um peningastefnu landsins og hvernig á skuli haldið til framtíðar.

það er alveg með miklum ósköpum og firnum stórum hve jafnvel gamlir flokkar með sögu hika ekki við að dæla frá sér bullinu þessu viðvíkjandi.  það á bara að fixa allt fram og til baka maður, afnema verðtryggingu - afturvirkt!  Afturvirkt jafnvel.  Eitthvað sem er bókstaflega bannað að lögum.  það má ekki breyta lögum afturvirkt.

Ok.  segjum að það sé hægt og til vara að ,,ólöglegt" sé að borga lán til baka - þá kemur í framhaldi einn stór og mikill flaumur um að - það kosti bara nánast ekki neitt!  það á bara að segja hókus pókus og trikka eitthvað út og suður.  ,,Stofna sjóð" í seðlabankanum, sagði einhver.  Stofna sjóð.  Eitthvað svona bull.

Síðan kemur eitthvað, að það á einhvernvegin, með súper-trikki, að búa til peninga úr engu!  Halló. þetta er allt svona.  Allt í þessum stíl.   Samheiti yfir þetta er:  Loforðaflaumsbull.

 Nú nú.  Svo eru fleiri fleiri mál í gangi um að ,,ólöglegt" sé að borga lán til baka - eða nei!  það er betra:  Ríki og lífeyrissjóðir eiga að borga lántökum fleiri fleiri fleiri hundruð milljarða í skaðabætur - vegna þess að þeir tóku lán!

Eitt málið miðar við dírektíf um afleiður frá 2007.  Síðan hefur vísitalan hækkað um 50%, minnir mig.  það á ríki og lifeyrissjóðir að borga fólki til baka!  Við erum að tala um kannski 6,7 eða 800 milljarða!!  Ha?!

Við erum að tala um að ríki og lífeyrissjóðir verða hvorutveggja rústað!  þetta tala menn um sem mikið réttlætismál.  Að rústa ríki og lífeyrissjóðum.  Réttlætismál.  

það er bara ekki í lagi.  þetta tal og flaum verður að stoppa strax.  Allir pólitíkusar sem taka undir svona eru ómarktækir lýðskrumarar og algjörlega ábyrgðarlausir og eiga ekki að koma nálægt neinni stjórnun og allra, allra, allra síst fjármálum opinberra aðila. 

 

 

Athugasemdir

[Heilagt stríð gegn verðtryggingunni (IP-tala skráð) 20.2.2013 kl. 07:29]

Nú er rétt fyrir Háværa minnihlutann að doka við.........