Ókræsileg ofstækisstemming hjá framsókn.

Allt tal framsóknarmanna og  formanns er áhyggjuefni fyrir þetta land og lýðinn er það byggir.  Kynnt undir þjórembingi og fantasíum útí bláinn.  Ef þessi flokkkur,  meðan honum er stjórnað svona og þetta eru áherslurnar sem ma. má sjá í áróðursræðu formanns, fær eitthvert fylgi - þá blikka rauð ljós og klingja háværar viðvörunnarbjöllur.

„Framsókn Íslands að hefjast á ný“

Athugasemdir

[Ásthildur Cesil Þórðardóttir, 9.2.2013 kl. 16:51]

Þær  blikka nú aðallega í hausnum á þér og þínum ESB vinum, fólkið í landinu virðist láta sér vel líka, og ég skil það vel.  En það er betra að berja hausnum við ESB steininn og álíta allt annað vera rembing, fanatík og ég veit ekki hvað og hvað.  Við hin erum einfaldlega ekki á sama máli.

[Guðmundur Ásgeirsson, 9.2.2013 kl. 17:53]

Það er alveg merkilegt hvað þú ert duglegur að nota orð eins og "ofstæki" og "öfgar". Þeir sem nota þau hvað mest eru oftast að lýsa sjálfum sér.

[Ómar Bjarki Kristjánsson, 9.2.2013 kl. 19:23]

það verður að nota þau orð sem við eiga hverju sinni.

það er ekkert mín sök að fólk sé pikkfast í ofstækisöfgum.

Eg bendi aðeins á klæðaburð keisarans. það er ókræsilegur ofsa og ofstækisklæðnaður.

Eigi klæddi eg hann í þann búnað.

[Guðmundur Ásgeirsson, 11.2.2013 kl. 09:19]

Svo núna er það nekt. Segir kannski líka margt um innri mann.

Veit Ögmundur félagi af því að þú sért að segja svona lagað á internetinu?

*djók*

[Fjölnir (IP-tala skráð) 17.2.2013 kl. 07:40]

Það sem Sigmundur Davíð stendur fyrir og hefur helgað líf sitt er umburðarlyndi, bræðralag og eining alls mannkynsins, og frelsi og jafnrétti allra manna. Hugsjónir sem eru hinn eini óvinur allra ofstækishugsjóna um víða veröld. Þjóðhollusta er ekki þjóðremba, heldur siðferðisleg skylda hvers manns sem hlaut þá blessun í vöggugjöf að fæðast til frjálsrar þjóðar. Skiptir þá engu hver sú þjóð er, hvort hún er reist á menningarlegum grunni alfarið eins og flest nágrannalönd okkar, hugmyndafræðilegum eins og Bandaríkin, eða fallegri blöndu af þessu tvennu eins og Ísland (þjóðin sem yfirgaf konungsveldi Evrópu fyrir aukið lýðræði), Hebrear (þjóðin sem yfirgaf mannfjandsamlega heiðna siði nágrannasamfélaga sinna, sagði skilið við blóðfórnir og barnamorð, og byggði upp samfélag byggt á nýjum gildum, þjóð sem nú er ógnað af siðferðilegum óvinum sínum að utan sem innan) eða Frakkland (þjóð sem nú upplifir hættutíma og ofstækisógn, og hefur margoft brotið af sér, en varð engu að síður ný þjóð í frönsku byltingunni, eitthvað meira en bara menningarlegt samfélag, á blómaskeiði byltingarinnar, áður en hún var eyðilögð af ofstækismönnum). Það myndi engu breyta þó hann væri úr regnskógum Amazon, siðmenntuðum manni ber að vera trúr sínum samborgurum, því við byggjum öll á reynslu annarra og skuldum forfeðrum okkar og meðborgurum okkar, hverjir sem þeir eru, allt sem við eigum og erum, því enginn maður er eyland. Þjóð sem ekki er sterk getur ekki miðlað góðu til annarra, og þjóð sem ekki er frjáls getur ekki stuðlað að frelsi annarra.  Góður maður styrkir eigin þjóð og eflir frelsi hennar. Sigmundur selur ekki sína í hendur óvina mannkynsins, sem vilja eyðileggja vestræna siðmenningu fyrir blinda peningahagsmuni og arðránshyggju gömlu aristókrasíunnar, eins og "vinir" þínir, sem í reynd eru ekki vinir nokkurs manns, ekki einu sinni sjálfra sín, heldur ana áfram í fávisku eins og þegar blindur leiðir blindan og gera illt eitt. Þeir hinir sömu sem taka við mútum frá ríkum alræðissinnum og hlýða í blindni skipunum eigingjarns auðvalds sem togar í strengi ESB. Sigmundur og hinar hófsömu og skynsömu hugsjónir Framsóknarflokksins, flokks sem ýmsir forverar hans misnotuðu og sviku, en aldrei hann, standa fyrir viðnám gegn slíkum öflum og kraftmikla, en öfgalausa, boðun andstæðu þeirra þegar á þarf að halda, og það þó færa þurfi fórnir. Fórnir hafa oft verið færðar af góðum mönnum, og ef þær hefðu ekki verið færðar, þá værir þú fæddur í hlekkjum. Liði þér betur þannig, beygður undir Evrópska konunginn þinn? Leitaðu þér lækninga við þessu meini í hjarta þínu, vinur. Þú fæddist til að vera frjáls maður. Meðan það þjakar þig enn, þangað til þú ert heill orðinn á ný, skalltu láta vera að tjá þetta mein, nema í einrúmi eða vernduðu umhverfi. Annars muntu kannski þurfa að sjá eftir því að hafa lengt þjáningargöngu mannkynsins um of, og lagt illvirkismönnum lið, afþví þú lést undan meinsemd þinni og krukkaðir í sárum hennar, í stað þess að láta kyrrt liggja og sár gróa.