Vestur-Bakkinn á brún þriðja Intifata.

En Intifata er uppreisn palestínu gegn hernámi israela og Intifata I og II vel þekkt. Sumir sérfræðingar um málefnið hafa varað sterklega við þessu uppá síðkastið ekki síst í Israel. Ástæðan er yfirgangur og ofbeldi israelskra landnema sem hefur verið verulega mikið síðustu mánuði en einnig spilar inní árás Israels á Gaza svæðið fyrir stuttu. Afleiðingin af árásinni (sem nánast allir eru sammála um að hafi verið misráðin og óskiljanleg) er að róttækari öfl í Palestínu hafa styrkt sig stórlega. Khaled Meshal leiðtogi Hamas (Sem Benjamin Netanyahu núv. forsætisráðherra Israels reyndi að ráða af dögum á sínum tíma en mistókst) var harðorður í ræðu á 25 ára afmæli Hamas um helgina. Ekki er aveg ljóst hvernig beri að skilja orð hans nákvæmlega  en það er  ljóst að róttæk öfl í Palestínu telja sig nú í stöðu til að setja Israel skilyrði.   Fundurinn virðist hafa verið vel skipulagður og fjölmennur. þar mátti sjá ung börn með byssur og sprengjur. Uppsetning á ræðupalli var líka athyglisverð og þarf eigi að skýra nánar. Andlitsmynd til hægri er af Sheikh Ahmed Ismail Hassan Yassin, andlegum leiðtoga Hamas.