þarf ekki ESB að styrkja smalamennskur á Íslandi?

Eg er ekki að sjá aðra lausn á þessu smalavandamáli fyrir Norðan.

þarna baxast menn á stórvirkum vinnuvélum vikum saman við að hóa nokkrum rolluskjátum af fjalli - og ekkert gengur!

Eg er ekki að sjá að nokkuð geti leyst þetta vandamál nema að ESB taki að sér smalamennskur hérna fyrir bændur.

Umfangsmiklar aðgerðir vegna óveðurs

Athugasemdir

[Marteinn Sigurþór Arilíusson, 1.10.2012 kl. 14:29]

Það eina sem esb getur smalað hér á Íslandi eru nokkur samfylkingar kvikindi.En þeim fer sem betur fer fækkandi.

[Ómar Bjarki Kristjánsson, 1.10.2012 kl. 16:42]

Eg get ekki séð að það sé nokkur önnur lausn á þessu vandamáli fyrir norðan en að fá ESB til að smala - og flytja síðan allt féð til Jótlandsheiða.

Moggi segir í dag að þeir hafi misst 10.000 fjár í fönn. 10.000.

[jóhanna (IP-tala skráð) 1.10.2012 kl. 17:37]

Ómar Bjarki!

Ég er ekki á móti ESB. Ég er samt hlynnt því að það sé til hliðar við okkur. Það sem ég vil benda þér á er: Þú sem ert svo hliðhollur ESB. verður að gæta þess að vinna ekki á móti málefninu. Sífellt með munninn opinn hvað það sé mikill kostur fyrir íslendinga að ganga í það. Skjóttu ekki yfir markið. Hvað heldur þú að margir bændur kjósi með inngöngu í bandalagið eftir þetta blogg þitt. Þú skalt ekki gleyma því að bændur hafa líka kkosningarétt, þótt þeir séu bara rollubændur í þínum augum.

[Gunnlaugur I., 1.10.2012 kl. 18:31]

Já Ómar Bjarki.

Mikil og blind er ESB trú þín.

Ég hef reyndar ekki séð á skrifum þínum, annað en þú haldir í fúlustu alvöru að þessi þjóð þín sem þú oftast fyrirlítur og bölsóttast útí, geti yfirleitt nokkurn skapaðan hlut nema með styrkjum og ölmusu frá ESB.

Þér og ykkur úrtölu- og landssöluliðinu verður aldrei að ósk ykkar.

Þegar fókið í landinu fær loks tækifæri að kjósa þessa Samfylkingu af sér mun ESB ruglinu líka verða komið af þjóðinni með einum eða öðurm hætti.

[Ómar Bjarki Kristjánsson, 1.10.2012 kl. 18:32]

Eg get ekki ímyndað mér annað en bændur vilji fá styrk til smalamennsku. Mér sýnist heldur ekki veita af! 10.000 fjár í fönn! þeir misstu 10.000 fjár í fönn segir Moggi í dag. 10.000. það er líka vel vitað og þekkt að beinlínis er orðið erfitt að smala víðsvegar á landinu. Vegna þess að fjöllin eru alveg jafn stór og áður - en mun færra fólk í sveitum! Þessir fjallhagar eru oft þess eðlis að bókstaflega tekur talsverðan tíma til að vejast smalamennsku þar. þ.e. það er ekkert svo gott fyrir bara einhvern að fara þarna upp og smala. það er sjaldan mikið vit í því að senda óvanamenn í smalamenskur og alveg sér í lagi á hinum erfiðari leiðum. Ísland gæti vel fengið styrk útá þetta frá ESB. Á menningarlegum forsendum. Göngur og réttir eru menningarlegir faktorar. Eg hef enga trú á öðru en bændur verði spenntir fyrir styrk frá ESB þessu viðvíkjandi.

[jóhanna (IP-tala skráð) 1.10.2012 kl. 19:22]

Ómar Bjarki!

Afhverju ættu bændur að bíða eftir styrkjum frá ESB.? Kynntu þér fækkun bænda í Svíþjóð eftir að svíar gengu í ESB. Vertu aðeins meira opinn fyrir hvernig gengur í ESB.löndunum. Þar drýpur ekki "smjör af hverju strái" þótt þú haldir það. Bara að lesa sig til obbolítið.

[Ómar Bjarki Kristjánsson, 1.10.2012 kl. 20:36]

þetta að ,,bændum hafi fækkað í Svíþjóð" - það er eigi gjaldgengt sem rök varðandi efnisatriðið: Bændur á íslandi og aðild Íslands að EU. Ekki tækt sem rök. Why? Vegna þess einfaldlega að á sama eða svipuðum tíma og notaur er sem mælistika á ,,fækkun bænda í Svíþjóð" - þá ber jafnhliða að horfa á töflu er sýnir stöðu bænda á Íslandi. Við vitum alveg að bændum hefur fækkað á Íslandi. það er langtímaþróun. Og ekki getur það verið aðild Íslands að ESB að kenna að bændum á Íslandi fækkar.

Vegna ofansagðs er óhjákvæmilegt að hafna ,,bændum fækkar í Svíþjóð" á umræðudagskrá og framvegis alfarið hafnað.

[Ómar Bjarki Kristjánsson, 1.10.2012 kl. 20:54]

Og ps. Aðeins nánari skilgreining á því er eg nefni hér ofar varðandi smalamennskur og að það þýði lítið að senda óvana menn og að þetta sé í raun menningararfleifð sem er að deyja út. þessi kunnátta að smala kindum.

Að þá hugsa margir: Hva, er ekki bara nóg að senda mann sem getur labbað? O.s.frv. Málið er að það er langt í frá nóg.

Smalamennska á kindum sameinar í raun 3 ólík atriði.

1. Hann verður að vera sæmilega göngufær og því frískari því betra.

2. Hann verður að vera vanur kindum. Hann þarf að hafa umgengist kindur. Að smala kindum er ekki bara ,,að smala kindu". það er í raun list að smala kindum svo eitthvert vit sé í því. Sú list lærist aðeins með reynslunni.

3. Hann þarf að þekkja landsvæðið sem smalað er þokkalega og enn betra ef hann þekkir það af fyrri smalamennskum.

Allir þessir þættir þurfa að vera til staðar fyrir góðar smalamennskur.

[Jón Steinar Ragnarsson, 1.10.2012 kl. 21:16]

Nú eru ESB sinnarnir meira að segja farnir að biðja þig um að fara að þegja.

Að sjálfsögðu getur þú ekki tekið ábendingum, en mikið er gaman að sjá þetta.