Noregur var betra liðið í leiknum sem ég sá.

Mátti sjá það eiginlega frá fyrstu mínútu en það varð augljósara þegar leið á fyrri hálfleik. Noregur var miklu hættulegri í sínum aðgerðum. Leikurinn var svaka barátta í byrjun og lengst af. Kýlingar fram og til baka og alltaf barist um boltann. það var búist við að leikurinn yrði þannig og liðin leika dáldið svipaðan leikstíl enda frændsemi þarna á milli sem kunnugt er. það sem varð til að Noregur kom betur útúr ofanlýstri baráttu var að þær norsku voru flestar líkamlega sterkari. Í baráttunni um boltann eftir kýlingarnar náðu þær norsku, vegna líkamsstyrksins, að skapa sér talsvert betri stöðu á miðsvæðinu og þar af leiðandi urðu þær hættulegri fram á við en Ísland. Úrslitin voru því sanngjörn að mínu mati og endurspegla það er að ofan er lýst.

Katrín: Fannst við betra liðið

Athugasemdir

[Jóhann Kristinsson, 20.9.2012 kl. 01:38]

Var það íshokki sem þú varst að horfa á.

Kveðja frá Las Vegas

[Ólafur Als, 20.9.2012 kl. 07:24]

Mér þóttu íslensku stúlkurnar (konurnar) vera hálfum klassa betri á flestum sviðum. Í norska liðinu eru 2-3 sem halda liðinu uppi en spilagetan er lítil sem engin, sbr. að löngum stundum komust þær vart fram yfir miðju. Skil reyndar ekki hvað frændsemi hafi með taktík eða getu þessara liða að gera. Ísland átti mun fleiri skot í átt að marki en Noregur fékk hættulegri færi, einungis vegna aukinnar áherslu íslenska liðsins á sóknarleik er leið á leikinn. Þær mega þó eiga það, þær norsku, að þær vörðust vel, enda eins og norsku þulirnir sögðu (bý í Noregi) þá var lagt upp með það fyrir leikinn og að verjast með krafti. Þulirnir voru frekar vandræðalegir eftir að Noregur komst í 2-0, því þeim fannst íslenska liðið vera betra en gerðu sitt besta til þess að reyna að finna skýringar á forystunni. En svona er fótboltinn, menn ekki ávallt sammála og langt í frá auðvelt að tjá sig um hvort "betra liðið" vinni.

Kveðja,