Dora Bakoyannis gengur til liðs við Nýtt Lýðræði

í Grikklandi. Hún er fv. ráðherra flokksins en var rekin á sínum tima þegar hún studdi aðhaldsaðgerðir PASOK. En Nýtt Lýðræði gerði þá þau mistök að nota óhjákvæmilegar aðhaldsaðgerðir sem Grikkland þurfti að grípa til, sem vopn í innanlandspólitík. þar með gáfu þeir í raun lýðskruminu start og síðan hafa margir viljað bjóða betur í lýðskruminu. Dora var á móti þessari taktík. Sagan hefur sýnt að hún hafði rétt fyrir sér.

Samaras formaður Nýs Lýðræðis sagði að sameiningin væri liður í að búa til bandalag sem hefði það að leiðarljósi að halda Grikklandi inní EU og Evrunni og jafnframt berjast gegn lýðskrumarahópum.

Einnig hefur Samaras náð til sín nokkrum fv. þingmönnum LAOS við litla hrifningu þess flokks. Talið er að frekari sameining ýmissa mið-hægri flokksbrota sé framundan og slík sameining sé nauðsynleg ef Nýtt Lýðræði á að eiga möguleika á að halda stöðu sinni sem stærsti flokkurinn.