Um hvað snúast næstu kosningar í Grikklandi?

Í stuttu máli snúast þær um hver verður stærsti flokkurinn. Vegna þess að kerfið er þannig í Grikklandi að stærsti flokkurinn fær 50 þingmenn í bónus. Nýtt Lýðræði var stærsti flokkurinn 6. maí og Syriza næststærsti. Árangur Syriza var mun betri en flestir reiknuðu með. þegar úrslitin 6 mai lágu fyrir - lá jafnframt fyrir sá möguleiki að Syriza gæti orðið stærsti flokkurinn og fengi þar með 50 menn í bónus. þá þegar var í raun ljóst að allar stjórnarmyndunarviðræður yrðu árangurslausar því handan við hornið gæti legið möguleiki fyrir Syriza og leiðtoga þeirra Tsipras að verða í algjörri oddastöðu.

Nú, baráttan núna fram að kosningum í júní stendur því fyrst og fremst á milli ND og Syriza. þ.e. hvor verður stærsti flokkurinn. Fyrirfram er Tsipras í sterkari stöðu í því hlaupi. Vegna þess einfaldlega að 6.mai dreifðust atkvæði á ýmis lýðskrumsflokksbrot sem eiga að mörgu leiti samhljóm með Syriza. þeir kjósendur eru því líklegir til að setja atkvæði sitt á þann flokk næst í stratigísku skyni. Skoðanakannanir sína það líka. Jafnframt virðast menn færa sig frá Kommúnistafl. yfir á Syriza sem hefur í skoðanakönnunum eftir 6.mai mælst stærsti flokkurinn. þó mjótt sé yfirleitt á mununum á milli hans og ND.

Við þessu þarf ND eitthvert svar. þar ber helst að nefna möguleika á að lokka til sín önnur mið-hægri og hægriöfl og er þar aðallega litið til Sjálfstæðisflokksins en margir í honum eru upprunalega úr ND. Svo virðist hinsvegar sem staða ND sé mun þrengri og erfiðari að þessu leiti en Syrzia. ND þarf helst að sannfæra kjósendur með málefnalegum rökum en það getur orðið afar erfitt í lýðskrumsástandinu sem er í Grikklandi þessa mánuði.

ND sakar Tsipras um að stefna Grikklandi í voða og taka óásættanlega áhættu varðandi stöðu landsins í Evrunni og EU. Svar Tsiprasar við því er einfalt. Hann segir bara að honum sé alveg nákvæmlega sama hvað hver segi. Von sé sterkari en ótti.

Bráðabirgðastjórn tekin við