Vonir um stjórnarmyndun í Grikklandi dofna.

Í gær virtist Evangelos Venizelos leiðtogi PASOK bjartsýnn á að honum tækist að mynda samsteypustjórn og þá var talað um að ef SYRZIA yrði ekki með væru ND og Vinstri Lýðræðisflokkur tilbúnir í samkomulag um ákv. grunnatriði. Það virðist hafa verið tálvon. Foraður Vinstra Lyðræðis Fotis Kouvelis sagði í dag að hann myndi ekki fara í stjórn án aðkomu SYRIZA.

Eins og formaður SYRZIA, Tsipras, talar hingað til þá er útilokað að hann fari í stjórn með skynsemi og raunsæi að leiðarljósi. Allt hans tal er hingað til útí bláinn og lýðskrum per exelance.

Samaras formaður ND hellti sér yfr Tsipras í gær og sagði hann stefna Grikklandi í stórvoða með framkomu sinni.

Hinnsvegar telja sumir að Tsipras vilji nýjar kosningar og geri sér vonir um að fá enn meira fylgi þá. Árangur flokksins, um 17%, var talsvert betri en ætlað var og núna hefur hann hlotið svo mikla athygli að talið er að hann gæti bætt við sig fylgi í öðrum kosningum. Því atkvæði frá ýmsum smáflokkum sem komu ekki mönnum á þing gætu fært sig yfir á SYRIZA. En ýmsir smáflokkar sem komu ekki mönnum á þing, margir þeirra lýðskrums- og bullukollaflokkar, fengu samtals tæp 20% atkvæða í nýliðnum kosningum svo ljóst er að það gætu verið atkvæði í pottinum fyrir SYRIZA.