Grikklandsmálið.

Grikkland hefur verið mikið í umræðunni uppá síðkastið sem kunnugt er. Oft hefur gætt mikils misskilnings í umræðu þar að lútand hérna uppi. Sumir tala hérna uppi eins og málið snúist um að EU vilji þetta og hitt í Grikklandi en Grikkir vilji það ekki og langi óskapleg að hætta í EU og ekki síst hætta með Evru o.s.frv. þetta er af og frá. Málið liggur allt öðruvísi.

Málið liggur þannig að almenn trú er í Grikklandi að eitt heljarmikið samsæri sé í gangi gegn grikkjum. Eitt voða mikið konspírasí. Og það er ekkert á Evrópskum skalla - nei það er á glóbal mælikvarða! Alheimssamsæri. Að trúan er, að nokkrir svikarar hafi rottað sig saman og plottað eitt samsæri um að koma með IMF inní Evrópu og Grikkland.

Nú svo sem kannast maður alveg við ofannefnda umræðu héðan að heiman. En hérna heima náði þetta tal aldrei neinu flugi því raunsæismenn og konur jörðuðu lýðskrumssinna með skynsamlegum rökum og maður heyrir varla þetta rugltal lengur nema hjá öfgasinnuðum bullukollum. þruglumræðan hérna fór í það far að snúast um eitt afmarkað atriði, algjört aukaatriði sem engu skipti og algjört ekki-mál í heildardæminu. þ.e. Icesaveskuldina og einverjir bullukollsöfgamenn töluðu sig uppí allskyns samsæri þar að lútandi og þarf ekki að lýsa eða rifja upp. Og þó gífurlegur skaði hafi orðið af fíflagangnum þar, þá er skaðinn fyrst og fremst til langs tíma litið en hverfist ekki um grunnatriði eins og í Grikklandi.

Staðan er alltöðruvísi í Grikklandi. þar snýr umræðan í heild að IMF og aðhalds og jafnvægisaðgerðum sem þarf alltaf að grípa til í efnahagssamdrætti. IMF er = Rosa samsæri í umræðunni. Og þá er það þannig að það var bara allt í gúddý. Síðan plotta svikarar eitt samsæri = IMF kemur. þannig er umræðan í grunninn. Undir þetta hafa flestir pólitískir flokkar tekið og kynnt undir ruglinu. Meðal annars Nýtt Lýðræði.

Síðan í framhaldi er því almennt trúað að ekki sé hægt að láta Grikki fara úr Evrusamstarfinu. það sé bara ekki hægt. Og nb. menn taki vel eftir að Grikkir vilja alls ekki úr Evrusamstarfi eða EU. Nei nei, þeir vilja vera þar. Í umræðunni þá er búið að snúa málum þannig að Grikkland geti alveg haldið útgjöldum ríkisins í toppi - og hætt að borga af lánum ríkisins. það sé bara ekkert mál. Slíkt tal var grundvöllur árangurs SYRZA flokks.

þannig er þetta í stuttri samantekt. Ljóst er að bullið er svo yfirgengilegt og histerían svo mikil - að erfitt kann að reynast að sansa fólk - nema að það fari þá leið er lýðskrumarar hafa talið fólki trú um. þ.e. Halda allri eyðslu í toppi og hætta að borga og sjái svo til hvað gerist.