Engar líkur á að Tsipras formaður Rótæka vinstris nái að mynda stjórn.

það virðist niðurstaðan eftir daginn í dag.

það sem vekur athygli eru digurbarkarlegar yfirlýsingar Tsipras og, má segja, tal útí hött.

það virðist því ganga eftir það er mann grunaði að Bandalag rótæka vinstris, Syriza flokkur, sé undirlagður yfirgengilegu lýðskrumi á háu stigi.

það sem helst ber tíðinda eftir daginn er að Nýtt Lýðræði og PASOK hafa hundskammað Tsipras vegna framgangs hans og sagt hann tefla Grikklandi í voða og taka óásættanlega áhættu varðandi stöðu landsins í Evrusambandinu. Sagt er að Tsipras hafi í hyggju að skrifa bréf til helstu stofnanna EU til að útlista hugmyndir sínar og jafnframt segja þeim hvað hann telji að úrslit kosninganna þýði. Tsipras ætlar að ræða málin við þá PSOK menn og ND á morgun. Nánast allir telja að ekkert komi útúr þeim viðræðum.

það sem vekur líka eftirtekt er, að fáir virðast vilja styðja við bakið á Syrzia flokki til að leiða stjórn. Eins og áður hefur verið rakið virðast Kommúnistar vilja vera alveg stikk frí og að manni skilst Sjálfstæðisflokkurinn líka. það er þá bara Demokratikk Left sem ljáir máls á að bakka hann upp.

Tsipras hefur verið að ræða við flokka sem voru við það að ná mönnum inná þing til að fá þó einhvern stuðning (En tæp 20% atkvæða féllu niður þannig séð. þ.e. atkvæði fóru á fjölda flokka sem náðu ekki yfir 3%). Meir að segja þær viðræður virðast ekki ganga. Græni flokkurinn hafnaði stuðningi við SYRZIA og taldi að ekki væri nægilega traustur grunnur undir plönum sem Tsipras lagði fram.

Flestir telja því að nýjar kosningar verði niðurstaðan úr þessari hringavitleysu.