B. yfirheyrður fyrir rétti.

það er ljóst af því sem norskir blaðamenn skrifa um yfirheyrsluna yfir Breivik að framsetning hans er öll í samræmi við það sem er sagt í fyrri geðmatsskýrslu um fjöldamorðingjann. Ofsóknarkennd og ranghugmyndir á háu stigi.

það vekur eftirtekt að hann, eins og vel er tekið fram og greint í fyrri geðmatsskýrslu, svissar alltaf til og frá varðandi ,,ég-við" í svörunum.

Í framhaldinu og aðspurðurur um hvað hann meini með ,,við" þá lýsir hann yfir að hann sé meðlimur ,,Knight-Templar" netsins og það séu sellur ma. í Noregi og hann sé yfirmaður þess uppreisnarnets.

Jafnframt segir hann að etv. hafi hann gert of mikið úr samtökunum en það hafi aðeins verið í própagandaskyni. Hann hafi viljað mála sterka mynd af samtökunum með orðum sínum o.s.frv.

það liggur fyrir að þessi samtök eru ekki til. B. dregur aðeins úr fyrri umsögn um meint samtök - en er ekki tilbúinn til að yfirgefa þessa ranghugmynd sína eða hafna henni.

Flest ef ekki allt sem kemur fram í yfirheyrslunum virðist vera í samræmi við það sem greint er frá í fyrri geðmatskýrslu.

Athugasemdir

[Anna Sigríður Guðmundsdóttir, 17.4.2012 kl. 13:19]

Já Ómar, það er greinilegt að maðurinn er mjög sjúkur. Það getur varla nokkrum manni dottið annað í hug, eftir að hafa fylgst með réttarhöldunum þessa tvo daga. 

Svo er þeirri spurningu ósvarað ennþá, hvernig og hvers vegna hann er svona sjúkur.

M.b.kv.