Mikið er sælt að vera ,,sjálfstæður íslendingur" með framsjallapískinn yfir sér og sökkva í botnlausar skuldir ef menn dirfast til að mennta sig.

Kemur fram þarna á frétt að á N-löndum er beinn styrkur og niðurgreidd námslán.  (Í Danmörku er fólk barasta sett á kaup fyrir að mennta sig.  þessu er haldið vel leyndu hér uppi og fáir trúa því þegar maður segir þeim það.)

Til hvers var barist í öll þessi ár?  Er Snorrabúð Sjallastekkur?  Þarf að moka framsóknarfjósið?

Til hvers var og er þetta svokallaða ,,sjálfstæði" sem manni er sagt á hátíðisdögum að sé svo sælt?  Til hvers??  

Var það til þess að fá að vera í mörg ár þræll og moka skít fyrir ekki neitt?  

Fokk this fullveldi.  Nú verður að taka hart á framsjallaelítunni.  Það verður að senda sendinefnd þegar í stað til þeirra dana og prófa að spyrja þá hvort þeir fáist til að taka við þessu landi aftur.   

„Betur má ef duga skal“