Slóvenar ívið sterkari.

Ágætis spil hjá íslenska liðinu á köflum og ekkert útá það að setja per se, þá samt sem áður var slóvenska liðið að meðaltali ívið sterkara og þessvegna niðurstaðan sanngjörn og þarf ekki að koma á óvart.  Enda slóvenar á síðasta HM ef eg man rétt og mikil fotboltahefð þar í landi.

Íslenska liðið hefur á undanförnum árum verið að færa sig frá kerfum þar sem flestir leikmenn voru í vörn og síðan treyst mestanpart á skyndisóknir.  Liðið er farið að spila miklu meira en áður þekktist með íslensk landslið.  Það gerir það að verkum að liðið er sterkara fram á við og sjá má orðið í hverjum leik nokkrar álitlegar sóknarfærslur.

Þessi áhersla kemur samt niður á varnarleiknum eða varnarspilinu.  Úrslitin í sjálfu sér jafngilda 0-2.

Þetta skýrist bara af því að íslendingar hafa ekki nógu marga umtalsvert sterka menn jafnt í sókn sem vörn.  Skiljanlegt miðað við fámennið hér.  

Til að Ísland komist í gegnum svona riðil og nái á stórmót - þá þarf mikla heppni í nokkur skipti í gegnum riðilinn.  Í þessu tilfelli, ef litið er á liðin í riðlinum, þá ættu íslendingar við fyrstu sýn að vera í þokkalegu færi til þess að komast í gegnum dæmið með heppni.  En málið er að það þarf líka styrkleika og breidd til þess.  

Liðin í þessum riðli eru ekkert svo auðveld viðureignar ef betur er að gáð.  Sem sést á því að liðin reita stig hvert af öðru hægri vinstri.  Athylgisvert hve Albanía er að sigla sterkt í gegnum ólgusjóinn enn sem komið er.  Slovenía og Noregur eiga þó líklega eftir að sigla upp að þeim þegar á líður.

Íslands bíður erfiður leikur næst.  Svissland sem er efst í riðlinum og hefur staðið sig afar vel á undanförnum árum.  Massíft lið. 

 

Slóvenar sóttu þrjú stig í Laugardalinn

Fabúlerandi forseti.

Það var broslegt að fylgjast með utanríkisráðherra þeirra framsjalla í gær á þingi.  þá er það orðið þannig núna að það eru einhver söguleg þáttaskil og til er að verða áhrifasvæði þar sem svo er að skilja að leiði til þess að Ísland verði í algjörri lykilstöðu og geti ráðið og rekið þjóðirnar sitt á hvað og platað fram og til baka og í framhaldi muni smjör drjúpi af hverju strái hérna - og þá aðalega afþvíbara eða til vara hversu genatískt frábærir íslendingar eru:

,,Við erum í reynd að verða vitni að sögulegum þáttaskilum. Ísland er komið í alfaraleið nýs áhrifasvæðis þar sem glíman um loftslagsbreytingar og aukna hagsæld verður einkum háð. Norðrið, heimaslóðir okkar, nú vegvísir um örlög allra jarðarbúa."

http://www.althingi.is/altext/raeda/142/rad20130606T140852.html

Hahaha ekki hægt annað en skellihlægja að þessari vitleysis fabúleringu í utanríkisráðherra þeirra framsjalla honum forseta.  Svona er þetta á ensku, jafnvel betra á ensku:

,,We are in fact witnessing an historical watershed. Iceland is now in the main thoroughfare of a new region of global importance.."

Hvað varð um grunnstefnu Sjallamannaflokks varðandi forsetaembættið vs Alþingi og Ríkisstjórn?

Það kemur manni ekkert á óvart tækifærismennska og mannsauðskapur framsóknarbúa sem sjá tækifæri núna við að hengja sig á svokallaðan forseta hérna útá nesi.  Aðallega er spaugilegt að sjá sperrilegginn forsætisráðherra framsóknarmanna þegar hann þenur út efri hluta líkamans á myndum með forseta, alveg bísperrtur.

Hitt kemur vissulega á óvart þögn Sjallamannaflokks.  Flokkurinn virðist vera að sumu leiti alveg í molum.  Það er eins og það eina og eingöngu sem skiptir máli sé að ákv. klíkur innan flokksinns fái eitthvað frá pólitískum armi en grunnafstaða og hugmyndafræðileg afstaða sé barasta búið spil.

Þeir virðast ætla að leggjast kylliflatir fyrir að einhver maður útí bæ segi þeim fyrir verkum varðandi grunnstjórnskipan landsins og þessi eða hin málefnin ef svo ber undir.

Þetta er mjög merkilegt.  Og má segja um hann Sjallamannaflokk að nú sé hún snorrabúð stekkur.

Í breiðu myndinni er þetta svo einn angi af hnignun Íslands sem ríkis.  Þessi hringlandi með stjórnskipun og grunnatriði getur aldrei orðið landi og lýð til góðs eða farsældar til lengri tíma litið.  Þetta verður til að ýta enn frekar undir völd elítuklíka og raun verða sambland af stjórnleysisfyrirkomulagi og elítuklíkustjórnskipan.  Allt á kostnað heildarhagsmuna og almennings í landinu.