Fjallkonan við Afréttarskarð. Sérkennilegasti fornleifafundur á Íslandi.

 Árið 2004 fannst,  fyrir algjöra tilviljun,  beinaleifar og skartgripir frá 10.öld í um 700 m. hæð á Vestdalsheiði rétt við Afréttarskarð.    Fljótlega fékk fundurinn nafnið Fjallkonan eða Landnámskonan.   Fundinn bar að á mjög tilviljunarkendan hátt.  Tveir menn voru á göngu og þá skall á niðdimm þoka.  Þeir voru þarna á afar fáförnum slóðum,  þó fyrr á tíð hafi verið alfaraleið yfir svokallað Afréttarskarð sem er þarna nálægt. 

Þá ráku þeir tærnar í eitthvað sem þeir töldu vera járnarusl.  En annar fundarmanna fór að skoða aðeins betur og áttaði sig á að um gæti verið að ræða eitthvað merkilegt.  Síðan var fundurinn tilkynntur til þar til bærra aðila.

Eftir rannsókn,  þá er  óvenjulegt að það finnist svo margir skartgripir á einum einstaklingi.  Um er að ræða einstakling um tvítugt.  Jafnframt er óvenjulegt að það finnist slík fornleif á svo afskekktum stað í svo mikilli hæð.

Sennilega gæti þarna verið um að ræða völvu enn hugsanlega gæti verið um að ræða höfðingjakonu.  En það er sérkennilegt að hún hafi verið ein á ferð og ekkert hafi verið grenslast fyrir um hana.  Ef um völvu hefur verið að ræða gæti skýringin legið í því.  Hún hefur dáið þarna einhverra hluta vegna og - enginn hafi viljað eða þorað hreyfa við legstað henar.  Ólíklegt er að höfðingjakona hafi verið ein á ferð á þessum tíma.

Á 10.öld var sennilega álíka hlýtt og nú á Íslandi og ekki verið snjór þarna.  Síðan eftir að kólanaði á 12.öld hefur verið snjór á þessu svæði mestallt árið, allavega á síðari öldum, og það tryggir góða varðveislu gripanna.  

Þegar fundarmenn gengu fram á Fjallkonuna, þá hefur það líklegast verið bara stuttu eftir að mögulegt var að finna hana vegna snjóa.   

Er dáldið merkilegt.  Það er eins og þeir hafi verið leiddir á staðinn.  Eintómar tilviljanir.

Um þetta var ágætisþáttur á RUV í kvöld: 

http://www.ruv.is/sarpurinn/fjallkonan/25062013-0

Framsjallahyskisstjórnin ræðst á ríkisútvarpið.

Það verður sífellt ömurlegra  að horfa uppá aðfarir þessa hyskis sem framsjallar eru.  Nú ætla þeir að láta verða eitt af sínum fyrstu verkum að ráðast á fjölmiðil þjóðarinnar og kúga undir ógeðisvald Valhallar.    

Þetta er ömurlegra og átakanlegra en orð fá lýst að þurfa að horfa uppá þessi ósköp sem stjórn framsjalla er.  

Allir þeir sem kusu þetta bera fulla ábyrgð á þessu öfgahyski sem framsjallar eru.

Þetta getur nú átt sína einföldu skýringu eða ástæðu.

Það er einfaldlega þannig að Bandaríkin leggja málið upp á þann hátt að framsalssamningar milli Bandaríkjanna og annarra ríki koma þar til álita og ekki er gott að hafna algjörlega beiðnum BNA þar að lútandi enda hefur komið í ljós að Bandaríkin leggja mikla áherslu á sinn vilja í umræddu máli.

Snowden vill ekkert fara til Bandaríkjanna sem vonlegt er enda ófyrirséð hvað við kann að taka þar.

Þessvegna velur hann ríki sem er slétt sama hvað Bandaríkin segja.    Sennilega yrði þetta þó erfitt fyrir  Rússa sem vilja núna bera fyrir sig tæknilegum atriðum.

Aðalatriðið er, að málið er hið vandræðalegasta fyrir Bandaríkjamenn.    Þeir hafa orðið uppvísir að því sem þeir gagnrýna aðra fyrir.

Vill vernda Snowden en skerðir málfrelsið