Framsóknarflokkurinn ætlar á hrægammaveiðar með haglabyssu. En hafa þeir byssuleyfi?

Það var skondið og skringilegt viðtalið við einn aðal snilling framsóknarflokksins, Frosta,  í Vikulokunum á Ruv í morgun.    þar var hann spurður um afhverju þeir vildu ekki segja nákvæmlega hvernig þeir ætluðu að ná pening af kröfuhöfum eða erlendum aðilum sem eiga eignir hér.  þá sagði frosti dæmisögu:  Það er hrægammur i skóginum, við erum með haglabyssu - treystirðu mér til að ná honum?

þetta minnir mig á söguna sem eg heyrði einu sinni af manni í afskekktu byggðalagi á Íslandi sem taldi sig eiga eitthvað sökótt við ákveðinn aðila og fór til Sýslumanns og sagði mjög æstur,  að ef Sýslumaður og eftir atvikum löggæsluyfirvöld gerðu ekki eitthvað í þessu - þá mundi hann bara skjóta hann!

Sýslumaður, sem var orðinn mjög aldinn er þessi saga gerðist, þagði við dágóða stund og blaðaði í einhverri möppu  á borðinu, en lítur svo upp og á manninn og segir:  En hafið þér byssuleyfi?

þar með féll það mál niður. 

Frosti framsóknarmaður á RUV: Hrægammurinn er í skóginum, við erum með haglabyssu - treystirðu mér til að ná í hann?

Það er nú meiri vitleysan og lágkúran sem framsjallar undir forystu LÍÚ-Mogga hafa breytt þessari aumingjans kosningum 2013 í.  Eigi hafa svo kattaófétin innan VG bætt úr skák heldur hafa þeir hjálpað framsjöllum og auðmannaelítunni hérna að bestu getu.

Og verði innbyggjurum bara að góðu.  það eru bara tæplega 5 ár síðan að það varð hérna rústalagning land og lýðs vegna hálfbjánastefnu þeirra framsjalla.