Framsóknarflokkurinn ,,svarar" spurningum um hvernig þeir ætla að draga 400 milljarða upp úr hatti vondra útlendinga - engin svör. Ekkert sem hönd er á festandi.

Þetta er náttúrulega með hreinum ólíkindum og ósköpum.  Td. bara hægt að líta á fyrsta svar - Haa??

,,1. Snýst leið Framsóknar bara um krónueignir kröfuhafa í þrotabúunum, það er reiðufé og virði Arion banka og Íslandsbanka? Ef svarið er já er þá ekki ljóst að 300 milljarðarnir sem Stefán talar um verða ekki notaðir tvisvar, það er (A) til þess að fækka krónum í umferð, lækka skuldir ríkisins og til að liðka fyrir afnámi gjaldeyrishafta annarsvegar og svo (B) hins vegar til að lækka lánaskuldir heimilanna um 20%?

Svar: Í lið (A) koma fram ósamrýmanleg markmið: ,,fækka krónum í umferð, lækka skuldir ríkisins og liðka fyrir afnámi hafta". Það er ekki hægt að taka krónur úr umferð með því að lækka skuldir ríkisins. Það er augljóst að ef ríkið notar krónur til að greiða skuldir sínar, þá fá einhverjir þær krónur til afnota og þær eru þá aftur komnar í umferð. Nema viðtakendur krónanna geti greitt upp einhverjar skuldir við banka og geri það. Í lið (B) er hægt að ná fram lækkun skulda heimila og að fækka krónum um leið. Að því leiti sem krónur væru notaðar til að greiða niður skuldir heimila við banka – þá myndi peningamagn lækka sem því næmi."

http://frostis.is/10-spurningum-ossurar-um-framsoknarleidina-svarad/

Íslendingar ætla að kjósa sig aftur í tímann, að því er virðist.

Ef fram fer sem horfir og íslendingar kjósa Framsjalla til valda hérna, að þá þýðir það bara að snúið verði aftur til helmingaskiptafyrirkomuagsins sem var hérna við líði.  Og það þýðir líka afturhvarf og hugarfarslega stöðnun.

Framsjallar eru ekki að bjóða uppá neitt nema þetta sama gamla.  Engin framþróun heldur afturför í raun.

Orsökin fyrir þessum pólitísku furðulegheitum íslendinga er langtíma propaganda Framsjallafjölmiðla og brúnstakka þeirra sem djöflast hafa látlaust síðan þeir voru settir út fyrir garð.

það er ljóst að það skiptir miklu fyrir valdablokkir að baki Framsjöllum að þeir komist sem fyrst að þjóðarkjötkatlinum og geti farið að moka feitu bitunum uppá sinn disk á kostnað almennings.

það veldur vissulega vonbrigðum að pólitísk greind íslendinga sé ekki meiri en þetta.  Gerir það nefnilega.  Veldur vonbrigðum.