Eru launsátursmenn að missa tökin á atburðarrásinni? Náði Bjarni að víkja sér undan atlögunni og stendur nú stöðugur með gott tak á sverði og skildi?

Um þetta má velta vöngum.  En ljóst er að viðtalið á RUV var að mörgu leiti afar óvenjulegt.  Augljóst var að Bjarni hafði búið sig undir þessar spurningar í þættinum, að strax yrði farið að spyrja um þetta efni - og þar af leiðandi var hann líka búinn að undirbúa svörin ásamt sínum PR sérfræðingum.  

það sem gerðist í svörunum var, að Bjarni sýndi þarna af sér alveg nýja hlið.  Hann kom út sem ,,mannlegi" karakterinn, fullkomlega afslappaður og yfirvegaður, og höfðaði til tilfinninga fólks.  Sem sjá má víða á svokölluðum samfélagssíðum á internetinu - að hafði sterk áhrif á margra.

þessvegna er eiginlega ekki spurningin um að hann náði að víkja sér undan sendingunni frá launsátursmönnum heldur er spurningin miklu fremur sú hvort hann hafi náð að grípa spjótið á lofti - og senda það rakleiðis til baka í átt að launsátursmönnum.

Það verður bara að koma í jós í rólegheitunum - en mitt mat er að ef Bjarni mundi núna láta kné fylgja kviði, þá gæti hann gert dáldinn skurk í liði launsátursmanna. 

„Hefur aðeins þessa 1-2 daga“

Það væru mistök hjá Sjöllum að fara að bola Bjarna frá núna og í þessu samhengi.

Það er alveg kárt að það væru mistök.  En Bjarni hefur líka gert ákveðin mistök í því að taka ekki á þessum innanbúðarófriði og aftursætisbílsstjórum sem hafa augljóslega gert honum erfitt fyrir síðan hann tók við.  Það virkar soldið mikið þannig að ófriðurinn og aftursætisígripin komi ekki síst frá fv. formanni og fv. valdamönnum Sjallaflokks.    Og hefur komið þannig út að stundum er eins og Bjarni hafi eina stefnu í dag og aðra á morgun.  Mjög óvanalegt fyrir Sjallaflokk.

Kalt mat segir manni að Bjarni eru mun sterkari pólitískur karakter en Hanna Birna.  Að vísu hefur aldrei almennilega reynt á það vegna ófriðarins og aftursætismanna.  það hefur stundum verið erfitt að átta sig á hvort Bjarni er að tala útfrá því sem hann telur rétt eða hvort hann er að friða þennan eða hinn arminn í flokknum í það og það skiptið.  

Jafnframt er óheppilegt fyrir Hönnu Birnu að koma inní formannssæti með þessum hætti.   

„Ég útiloka ekkert“