Formaður Framsóknarflokks situr fyrir svörum á RUV: Einhver snautlegasta frammistaða stjórnmálamanns í manna minnum.

Og sérstaklega í samhengi þess hve mikið fylgi flokkurinn hefur fengið að undanförnu.  Það getur bara ekki verið að fólk ætli að fara að kjósa Framsóknarflokkinn í stórum stíl.  það stenst ekki.  

Svör formanns framsóknar varðandi þeirra höfuðmál, vonda útlendinga og hvernig eigi að fá frá þeim 400 milljarða, voru svo ruglingsleg og haldlaus að með fádæma og fáheyrðum ólíkindum var.

Aldrei þessu vant gerðu spyrlar u.þ.b 75% rétt í spurningum sínum.   Gerðu ekki eins og yfirleitt hefur verið gert, hann bara látinn mala, heldur fylgdu spurningum þokkalega röklega eftir - Formaður Framsóknar gat engu svarað!  Hann bara bullaði og enginn þráður í neinu í hans máli.

Algjörlega með ólíkindum snautlegt. 

Niðurfærslur húsnæðisskulda verða alltaf borgaðar með skattfé almennings, eðli máls samkvæmt.

Ef talað er um flata niðurfellingu uppá 400 milljarða, þá er um gríðarlega millifærslu peninga frá og til eftirfarandi hópa:

1.  Frá hinum verr settu til hinna betur stæðu í þjóðfélaginu.

2. Frá Landsbyggð til Höfuðborgar.

þetta er alveg plain og borðleggjandi.  þessi umræða var öll tekin 2009 og alveg ótrúlegt að flestir virðast hafa steingleymt henni og það á að fara í gegnum allt aftur, lið fyrir lið.  Flöt niðurfærsla er gjörsamlega galin hugmynd.  Færa fé frá fátækum til hinna betur stæðu í þjóðfélaginu.  Engum nema Framsóknarelítunni sem dytti slíkt í hug.

Nú, öll slík  niðurfærsla yrði auðvitað að miðast að því að aðstoða hina verr settu og þá sem raunverulega á aðstoð þurfa að halda og yrði þá áframhald á stefnu og framkvæmd núverandi stjórnvalda sem hefur með útsjónarsemi fellt niður mikið magn skulda og ekki síst aðstoðað skulduga gegnum vaxtabóta- og skattakerfið með jöfnunarprinsipp að leiðarljósi.

Þetta tal sem mikið er í tísku núna um að ríkið eigi von á um 400 milljarða gjöf frá vondum útlendingum eða til vara að framsóknarmenn ætli að ráðast í slíkt með kylfum og haglabyssu - er í besta falli einhver brandari eða í fersta falli lýðskrum.

þetta tal hefur eftir margra daga umræðu ekki fengið neitt bakköpp eða útskýringar á nokkurn hátt.

þessvegna er loforð framsóknarmanna ekkert annað en opinn tékki á skattgreiðendur hérna.  Almenning í landinu.  Hjúkrunarkonur, bændur og sjómenn. 

Hvað varð um kröfuna um þjóðaratkvæðagreiðslur um öll mál?

það vekur sífellt meiri furðu hringlanda- og vitleysisháttur innbyggjara þegar kemur að afstöðu til pólitískra málefna.

Sem dæmi má nefna hinu miklu kröfu undanfarin misseri um að þjóðaratkvæðagreiðslur verði um öll mál og rúmlega það og þjóðin geti krafist þess hvenær sem er.

 þetta virðist bara hafa gufað upp í einhverju framsóknar fix-trixi.  Svipað og gjaldeyrssjóður landsins sem yfirmaður þeirra Sjalla lét framsóknarmenn fá.  Hvarf með manni og mús og ekkert til hans spurts síðan.

Svipað virðist hafa gert með kröfuna um  þjóðaratkvæðagreiðslur.   Það minnist enginn á þetta lengur.

Að vísu, að vísu, ber að geta þess, að beint lýðræði er eitt af meginstefnumálum Pírata eins og heyrðist í máli Smára McCarthy á RUV í gær, þar sem honum mæltist, heilt yfir, nokkuð skynsamlega og hefur án efa dregið nokkur atkvæði að Pírötum.

En það er ekki það, að eg er persónulega alfarið á móti þjóðaratkvæðagreiðslum um öll mál.  Alveg sérstaklega á Íslandi í samhengi við þau ósköp sem sjá má hvernig ísl. kjósendur haga sér.  Þjóðaratkvæðagreiðslur um öll mál inní andrúmsloft og samhengi núverandi á Íslandi - gæti bókstaflega verið landinu stórhættulegt.   Meirihluti innbyggjara væri vís með að kjósa landið ofan í botnlausa kjánaþjóðrembingsofstækishít.  Því miður.  Væri vís til þess.

þessvegna er mikið gott og maður prísar sig sælan fyrir að innbyggjarar virðast hafa steingleymt þessari kröfu sinni. 

Framsóknarflokkurinn ræðst að hagsmunum íslendinga og lemur landið í hausinn með kylfu!

Þetta framferði framsóknarmanna, kjánaþjóðrembinga og almennra lýðskrums- og lýðæsingarsinna mun án efa kosta marga milljarðana og leggst ofan á þann skaðakostnað er umræddir aðilar hafa þegar valdið sem skiptir hundruðum milljarða til lengri tíma litið.  

Segir loforð Framsóknar skaðleg

Framsóknarmenn ætla að vera vondir við útlendinga - útskýrir það fylgið hjá flokknum?

Já, að mínu mati.  Útskýrir að stóru leiti.  það er ekki beinlínis þetta með ,,lækkun höfuðstóls skulda" sem kveikir neistann hjá innbyggjurum enda sést að fylgi framsóknar er mikið útá landi þar sem þetta atriði er ekkert svo mikilvægt per se.  Og reyndar þyrfti landsbyggðin í raun að borga mikið fyrir þessar niðurfellingar á skuldum auðmanna í Rvk. sem Framsóknarflokkurinn vill.

það er þessvegna ekki ,,flöt lækkun skulda" per se.  það er miklu frekar það að Framsóknarmenn ætla að taka þessa peninga frá vondum útlendingum og í framhaldi ætla að vera bókstaflega vondir við útlendinga.  Annaðhvort berja þá með kylfum eða barasta ná í haglabyssuna.  

Það er þetta sem virkar á margan innbyggjarann.  Og það er hneykslanlegt að Framsóknarflokkurinn skuli fara fram með slíkt upplegg.  Er ekkert annað en ákv. atriði sem ekki má nefna.  Því miður.