Hörmungarstjórn framsjalla ræðst líkt og hrægammur að tekjulágu barnafólki.

,,Þetta verður gert með því að lækka hámark barna- og vaxtabóta, en lækkunin bitnar harkalega á tekjulágum barnafjölskyldum og fólki sem glímir við verulegan skuldavanda." http://www.dv.is/frettir/2013/12/8/tekjulagar-barnafjolskyldur-undir-nidurskurdarhnifinn/

Það gengur allt eftir er eg hef mælt.  Elítan er sett á bótabætur en framsóknarsvipan á loft og hinir verr stæðu lúbarðir.   Á meðan hörmungarstjórnin níðist á þennan hátt á þjóðinni eru framsjallar alveg eins og hrægammar í framan.  Græðgin, illgirndin og ágirndin óhugnaleg.  

Framsókn: Svikin loforð allstaðar. Elítubætur á sínum stað.

Kosningaloforð framhörmungarinnar:   ,,setja „lyklalög“ sem geri lánþega kleift að afsala eign sinni til lánveitanda án þess að það leiði til gjaldþrots."

Efndir:  Framsóknarmenn segja við fólk í vanda:  Hundskist í gjaldþrot vesalingarnir ykkar!   Síðan hefja þeir framsóknarsvipuna á loft og lúberja hina verst stæðu í samfélaginu!

Það er ekki til aumingjalegri og hrægammslegri framkoma en framsóknarmenn hafa sýnt þjóð sinni.  Skömm þeirra mun uppi meðan land byggist.

Lofað var a.m.k 300 milljarða skuldarniðufelling fríkeypis og í framhaldi allt handa öllum og framsóknarparadís strax og fólk mátti ganga inn og út skilandi lyklum án nokkurra afleiðinga.

Nú nú. Svo ljúga framsóknarmenn og svíkja sig á ofanlýstan hátt að kjötkötlunum - og þá er framsóknarsvipan á loft og fólk í vanda er lúbarið! Síðan millifærsla frá hinum verr stæðu yfir til hinna betur stæðu sem eru í engum vanda og allt borgað úr ríkiskassanum.

Á meðan framsóknarmenn framkvæma sínar hörmungaaðgerðir þá eru þeir í framan eins og hrægammar.

Biskupinn syngur svo framsóknarsálma yfir hörmungunum. 

Skuldaniðurfelling framsjalla. Hver borgar?

Mikið hefur verið fjallað um hörmungartillögur ríkisstjórnarinnar sem kynntar voru á leiksýningu í Hörpu nýverið.  Litla sem enga athygli eða alvöru umræðu hefur fengið í própagandafjölmiðlum framsjalla, að tillögurnar sem á að framkvæma í eftir 1/2 ár a.m.k. eru ófjármagnaðar.  Ríkisstjórnin segir bara að millifærslan eigi ekki að koma við ríkiskassann - sem hún gerir þó augljóslega.  Vegna þess að óljósar hugmyndir eru um skatt á þrotabú gömlu bankanna (fyrirætlaður aukaskattur á nýja bankanna er ekki neitt neitt í þessu samhengi) og sá skattur rynni í ríkiskassann og eftir að peningur er kominn í ríkiskassann - þá er það bara einn pottur.  Ríkiskassinn er ekkert hólfaður niður.   Hann er bara einn pottur og síðan er skattfé útdeilt úr honum í samræmi við pólitískar áherslur ráðamanna.  Áherslurnar núna eru að útdeila sem mestu til hinna betur stæðu sem er auðvitað í takt við pólitík framsóknar og sjalla.   Nú, segjum sem svo að skatttekjurnar frá þrotabúunum skili sér ekki eða skili sér ekki eins vel og ætlað er - hvað þá?  Verður þá hætt við niðurfellinguna??  Ekki sagði Haglabyssu-Frosti í Kastljósi (en það er í eina skipti sem nokkrum fjölmiðli  hefur dottið í hug að spurja framsóknarmenn útí umrætt atriði).  Nei nei, sagði frosti.  Niðurfellingin kemur samt.  Ok.  Hvað er það þá annað en ríkisábyrgð á 80 milljörðum um mitt næsta ár sem verið er að boða?  Eg skil tæplega hvernig hægt er að komast upp með þá umræðu er framsóknarmenn standa fyrir.   Ef hugsanlegur skattur á þrotabúin er ekkert aðalmálið við fjármögnun - nú, þá eru menn að boða ríkisábyrgð og alveg stafa hana fram þó þeir svo neiti þvíá hina hliðina.  Merkileg umræðuhefð hér uppi oft á tíðum.