Rökleysa ríkisstjórnar.

Þetta tal er nú bara froða rökleysunnar og veitti ekki af að loftþrýstijafna.  Það að ríkiskassinn greiði hluta íbúðarskulda - getur auðvitað oft verið ígildi þess að fólk fái greitt í reiðufé.   Þegar þeir sem eru í engum vanda og geta leikandi létt greitt sín hús fá lækkun á mánaðarlegum greiðslum - það er ígildi þess að fá reiðufé.  Það verður aukið ráðstöfunnarfé.     þetta ætti nú hvert barn að skilja.  Þar fyrir utan er augljóst að þessar moðsuðutillögur snillinganna eiga nú eftir að smjúga hingað og þangað niður um hriplekan kosningaloforðavitleysisruglanda framsóknarflokksinns.  Það er ekki heil brú í þessum tillögum.  Framsjallar vilja td. alveg endilega borga fólki sem á etv. 100 milljónir á bankabók allt að 4 millur úr ríkiskassanum!  Þá eru þeir án efa að hugsa um velferð háttsettra bankamanna og elítunnar.  Að elítan  fái bótabætur frá fátækum og sjúkum í takt við stefnu framsóknarflokksinns.  Og ekki má skera niður hjá kirkjunni.  

Fá ekki sömu leiðréttingu

Sjallar afar óánægðir með sprelligosaleiksýninguna í Hörpu.

Það er ljóst að meginþorri sjalla er mjög óánægður með þróun mála varðandi skuldaloforðarvitleysisrugl framsóknarmanna sem þeir hafa svikið og ætla nú að redda sér með snúningi á ríkiskassanum upp á gamla góða framsóknarlagið.  Blaðamaður á viðskiptablaðinu er mjög harðorður í garð ríkisstjórnarinnar og kallar þær vondar, óskynsamlegar og óréttlátar.  Augljóst er að mikil reiði  kraumar undir niðri í sjallaflokki:  

,,Tillögur ríkisstjórnarinnar um skuldaniðurfellingar fela í sér þjóðnýtingu einkaskulda og eru þess vegna ekki réttlátar.

Tillögur um skuldaniðurfærslu sem Sigmundur Davíð Gunnlaugsson og Bjarni Benediktsson kynntu, ásamt Sigurði Hannessyni, um síðustu helgi eru tvímælalaust ein af stærstu fréttum ársins. Þessara tillagna hafði verið beðið með mikilli eftirvæntingu og segja kunnugir að bæði fasteignamarkaðurinn og skuldabréfamarkaðurinn hafi borið þess merki. Ýmsir segja að tillögurnar séu hófsamari en þeir áttu von á í upphafi. Það breytir því ekki að þessar tillögur eru hvorki skynsamlegar né réttlátar.

Þær eru ekki skynsamlegar vegna þess að það blasir við að fjármögnun þeirra er háð óvissu. Slitastjórnir Kaupþings og Glitnis telja að skattlagning þrotabúanna stangist á við ákvæði stjórnarskrárinnar. Málshöfðun er því fyrirsjáanleg. Hvernig svo sem þau málaferli fara, er vægast sagt ótraustvekjandi að hugsa til þess að ríkið ætli að útdeila 80 milljörðum króna af fé sem ekki liggur fyrir hvort það geti aflað sér.

... 

http://www.vb.is/frettir/99319/