Ríkisstjórn elítunnar ræðst með hrægammsklóm á sjúka til að snapa pjéning til að setja vel stæða einstaklinga og LÍÚ á bætur.

,,Meirihluti efnahags- og viðskiptanefndar leggur til að hætt verði við innheimtu legugjalds á sjúkrahúsum líkt og lagt var til í frumvarpi til fjárlaga fyrir árið 2014. Þess er stað er lögð fram sú breyting á lögum um sjúkratryggingar að tekið verði upp nýtt gjald vegna heilbrigðisþjónustu, þ.e. komugjald vegna innlagnar á sjúkrahús." (mbl.is)

En hefur stefna framsóknarflokksinns reynst íslendingum vel á síðari árum?

Nei.  Reynst afar illa.  Síðast keyrðu framsóknarmenn heimili, landið og lýð allan niður í svaðið með stórkostlegum skaða og tjóni sem innbyggjar eru enn að kljást við.    Við hvert asnastrik sem framsóknarflokkurinn framkvæmdi á þeim tíma, gekk maður undir manns hönd við að reyna að koma vitglóru í höfuð umræddra - án árangurs.  Og framkoma framsóknar endaði svo í allsherjar hruni í samstarfi við þá Sjalla sem vel er kunnugt.   Nú, Alþjóðagjaldeyrissjóðurinn varð svo að koma og bjarga málum því enginn fékkst til að koma nálægt framsóknarhrægamminum sem vonlegt var. Síðan kom Jafnaðarstjórnin og vann þrekvirki og það er vel kunnugt líka.  Síðan komast framsóknarmenn að kjötkötlunum með bolabrögðum í samstarfi við sjalla og - hefjast þegar handa við að níðast á hinum verr settu og moka fjármunum undir eigin elíturass.    Og það athyglisverða er, að það er eins og framsóknarmenn njóti þess alveg sérstaklega að kvelja hina verr settu.  Það er eins og þeir fái kikk útúr því að hýða eigin þjóð með framsóknarsvipu og ásjóna þeirra framsóknarmanna er á meðan líkt og sambland af hrægammi og hýjenu.   

Sigmundur hrósar Seðlabankanum

Táknmálstúlkurinn á minningarathöfn Nelson Mandela.

Hann vakti heimsathygli og kom m.a. í fréttum hér á landi í gær.  Nú eru málin eitthvað tekin að skýrast.  Maðurinn heitir Thamsanqa Jantjie og segist vera fær táknmálstúlkur en hafi fengið andlegt áfall á sviðinu og séð ofsjónir og hann þjáist af geðklofaveiki.  

Eitthvað setja sumir spurningarmerki við skýringarnar og ennfremur sem efast er um í S-Afríku að maðurinn kunni táknmál - nema þá að eitthvað litlu leiti. Reyndar kemur fram í fjölmiðlum í S-Afríku að þetta sé talsvert þekkt vandamál þar í landi, að fólk sem kunni nokkur tákn sé fengið til að túlka á ýmsum samkomum vegna þess að þeir sem sjái um samkomurnar þekki ekki nógu vel til táknmáls.  Einnig er nefnd til sögunnar spilling.  Þ.e. að ákveðinni upphæð eigi að eyða í táknmálstúlk og þá sé ráðinn amatör fyrir mun minni upphæð - og einhver stingi mismuninum í eigin vasa.

Það sem styður það að umræddur túlkur áMandela samkomunni sé ekki sérlega fær í táknmáli er að til eru video af honum að túlka á öðrum samkomum og m.a á samkomu ANC og Zuma forseta í fyrra - þar sem hann virðist alls ekki mjög fær í táknmáli.  Og reyndar var kvartað yfir honum þá af fulltrúum heyrnarlausra án nokkurra viðbragða.  Ekki hefur tekist að ná samtali við fyrirtækið sem sá um að ráða táknmálstúlk fyrir Mandela samkomuna og sagt er í sumum fjölmiðlum í S-Afríku að svo virðist sem það sé horfið.

S-Afríkustjórn hefur nú viðurkennt að mistök hafi átt sér stað.  En telja samt ekki að S-Afríka hafi orðið fyrir sérstakri niðurlægingu sem vissir aðilar þar í landi vilja meina.

Því málið verður náttúrulega pólitískt.  Það eru kosningar á næsta leiti og Zuma forseti hefur sætt ásökunum um spillingu og hann og ANC svona representa dáldið S-Afríku yfirvöld.   Andstæðingar Zuma vilja notfæra sér þessa uppákomu.

Í BNA er mjög algengt að velt sé upp fletinum um öryggi helstu ráðamanna heimsins svo sem Obama og vilja meina að alvarlegur brestur hafi augljóslega verið í öryggiseftirliti S-Afríku stjórnar.