Talsmaður Talibana í N-V Pakistan: Aldrei í sögunni hafa verið samningaviðræður við þræla.

Mjög mikil reiði er í Pakistan vegna drónaárásar Bandaríkjamanna sem settu friðarviðræður við herskáa ættbálka í N-V Pakistan í uppnám.  Aðaltalsmaður regnhlífarsamtaka Talibana Tehreek-e-Taliban (TTP), Shahidullah Shahid sagði að allt væri í óvissu og ásakaði Pakistönsk yfirvöld um að hafa átt í leynilegum viðræðum við Bandaríkjamenn um leið og þreifingar um friðarsamning við Talibana hafi verið í gangi.  Við biðum eftir formlegum fundi, sagði Shahid, en á meðan voru Pakistönsk yfirvöld á fundum með BNA til að selja okkur.  ,,Nobody in history has ever negotiated with slaves" sagði hann.  Og þar var merkingin sennilegaað pakistönsk yfirvöld væru þrælar Bandaríkjamanna.   Þó er hugsanlegt að merkingin hafi verið að pakistönsk/BNA yfirvöld litu á TTP sem þræla.

Jafnframt bar talsmaðurinn til baka að Khan Said hafi verið formlega útnefndur leiðtogi.  Það hafi ekki verið ákveðið en tímabundinn leiðtogi sé núna formaður æðstaráðs TTP  Asmatullah Shaheen sem einnig er þekktur sem  Asmatullah Bhittani.  Formlegt val verði ákveðið á næstu dögum.  

Meðal þeirra sem hefur verið nefndur sem hugsanlegur leiðtogi er  Mullah Fazullah eða ,,Múlla Radíó" úr Swat dalnum en liðsmenn hans skutu á unglingsstúlkuna Mahlölu.   Sumir telja það þó ólíklegt því hann er ekki af Mehsud ættbálknum.

Fyrrum leiðtogi TTP Hakimullah ásamt liðsmönnum: 

 

Talibanasamtökin í N-V Pakistann velja nýjan leiðtoga.

Eftir að Hakimullah Mehsud lést í drónaárás Bandaríkjamanna þar sem sumar heimildir segja að um 25 manns hafi fallið,  komu um 40 ráðamenn talibana saman á óþekktum stað og útnefndu Khan Said Sajna, einnig þekktur sem  Khan Syed Mehsud, sem leiðtoga regnhlífarsamtakanna.   Hann er af Mehsud ættbálknum og talið að hann sé ekki menntaður í trúarlegum fræðum heldur hafi uppgangur hans fyrst og fremst stafað af árangri hans í bardögum og hernaðaraðgerðum ýmiskonar.  Hann er m.a. talinn hafa mastermændað árás á fangelsi í Pakistan og frelsað mörg hundruð vígamanna sem þar voru í haldi.

Khan Said: