Skuldaniðurfellingatillögur ríkisstjórnarinnar farnar að birtast í fjölmiðlum. Séreignasparnaður fer beint inná íbúðarlán. Þetta er eitthvað.

"Skattaafsláttur af lífeyrisiðgjöldum, sem fara í að greiða niður íbúðalán, kemur þeim tekjuhærri helst til góða. Afslátturinn eykst eftir því sem tekjurnar eru hærri.

Verið er að skoða það í fjármálaráðuneytinu sem sértæka leið í skuldamálum að fólk geti nýtt iðgjöld af viðbótarlífeyrissparnaði í að greiða niður íbúðalán sín, án þess að greiða skatt af iðgjaldinu, eins og fram hefur komið í fréttum Rúv. Þetta yrði tímabundin aðgerð til þriggja ára."

http://www.ruv.is/frett/tekjuhaerri-hagnast-a-skattaafslaetti

Vandræðagangurinn með kosningaloforð framsóknarmanna og þögn Sjalla.

Það hefur tæplega farið framhjá neinum vandræða- og vitleysisgangurinn kringum lýðskrumsloforð framsóknarmanna um stórfelldar skuldarniðurfellingar sem áttu að gerast strax eftir kosningar og í framhaldi átti að koma paradís.  

Það er vel vitað og þarf ekki að rekja stérstaklega að það eina sem gerðist strax hjá þeim framsjöllum var að mokað var gríðarlegum fjármunum í vasa elítunnar á kostnað almennings.   Síðan hefur bókstaflega ekkert gerst varðandi ,,heimilin í landinu hérna!"  Bara ekki neitt.  

Hinsvegar hefur formaður framsóknarflokksinns farið um, aðallega á Suðurlandi, eins og naut í flagi og gapuxast eitthvað.   Boðandi svoleiðis mikinn fögnuð, upprisu og ég veit ekki hvað og hvað.   Á sama tíma hafa Sjallar stritast við að þegja.    Og ekkert handfast hefur komið fram um væntanlegar tillögur frá svonefndum stórsnillingahópi sem samanstendur, skilst manni, aðallega af MP banka.  

Nú nú.  Svo gerist það í gær að það kemur leki.  Það er lekið í RUV.  Mikil frétt kemur um að fjármálaráðuneytið sé að vinna að tillögu varðandi ,,heimilin í landinu hérna!"  Og hún felst þá í að viðbótalífeyrissparnað megi nota skattfrítt  til að greiða húsnæðislán.  Og bætt við að Fjármálaráðuneytið hafi unni með þessa tillögu o.s.frv.

Þessi frétt er auðvitað ekki tilviljun.  Þetta er ábending  Sjallamannaflokks til Framsóknarmannaflokks.     Þetta telja Sjallar raunhæft.