Í hverju felst ,,afskrift krónueigna"?

Mikið hefur rætt um að afskrifa eigi krónueignir erlendra aðila hér á landi og við þessa ,,afskrift" eigi að myndast heljarnikill peningastabbi sem ríkið geti ráðstafað að vild.  

Nú, Bjarni fjármálaráðherra útskýrði í dag í hverju þetta fælist:  ,,Evra væri ekki metin á 160 krónur. Menn þyrftu kannski að borga 350 krónur fyrir eina evru."

http://visir.is/-uppgjor-vid-throtabuin-er-leysanlegur-vandi--/article/2013131009393

Hvar og hvernig myndast 400 milljarðar sem framsóknarmenn voru að tala um við þetta?

Samhliða þessu, þá er málið mun flóknara.  Við erum að tala um eignir oft á tíðum í tengslum við nefndar krónueignir.  Að þá skiptir máli sko, hver kaupir eignirnar.  Það er eins og menn séu að tala um að ríkið eignist allar kröfueignir erlendra aðila og síðan geti ríkið selt með hagnaði.  Það er bara ekkert þannig.  Ríkið er ekkert að fara að kaupa eitt né neitt á afslætti.

Það er alveg augljóst, að mínu mati, að þessir 400 milljarðar framsóknarflokksins hafa aldrei verið skýrðir almennilega út og aldrei gerð nein krafa á slíkt.  Menn tala bara og tala um einhverja 400 milljarða.

Samkvæmt orðum fjármálaráðherra,  þá sé eg aðeins að ef krónum yrði skipt út á öðru gengi þá spari þjóðarbúið sér gjaldeyri.  

Það er frekar ólíklegt að gjaldeyrishöftum verði aflétt hér á næstu misserum.

Það er bara kalt mat ef horft er á stöðuna og sérstaklega ef hlustað er á málflutning framsjalla sem tala út og suður, norður og niður.

Ok. tökum bara þessa blessuðu vondu útlendinga útfyrir sviga.  Þessi vondu útlendinga umræða og eignir kröfuhafa er sér umræða sem er í raun óskiljanleg og hlýtur eiginlega að skýrast mikið til af því - að gjaldeyrishöft eru ekkert að fara neitt á næstu misserum.

Afhverju eru höft sennilega ekkert að fara á næstu misserum?  Jú, einfaldlega vegna þess að þá er hætta á að hefjast mikið útstreymi frábærra og genatískt stórkostlegra al-íslenskra  króna.  Það mun hefjast fjármagnsflótti í stórum stíl með tilheyrandi steinfalli svokallaðrar krónu. 

Þegar af ofannefndum sökum er ólíklegt að höftum verði aflétt á næstu árum. 

Heimsmet í bankastarfsemi og lýðræði yfir í heimsmet í aðgerðum gegn skuldavanda.

Hrunið eða Sjallahrunið kom til vegna þess að Framsjallar börðu ákveðna elítuteoríu inní höfuð innbyggja í gegnum sín própagandarör.  Vegna þess að nefnd teoría náði slíkri fótfestu og þeir sem gagnrýndu voru miskunarlaust barðir í hausinn með blárri hendi - þá náði náttúrulega allskyns fjármálastarfsemi með tilheyrandi glæfrum, fúski, baktjaldamakki og áhættusækni fótfestu í þessu landi.  Undir þetta var kynnt á allan hátt og Sjallar bókstaflega fögnuðu og grilluðu uppá hvern dag nánast í veislufagnaði.  

Vegna þessa háttlags Sjalla var landinu bókstaflega breytt í vogunarsjóð.  Áhættan sem tekin var var gríðarleg.   Og er misserin liðu var auðvitð bara tímaspursmál hvenær Sjallar rústuðu landinu.  Allt Gróðæri þeirra Sjalla var tekið að láni erlendis.  Sjallar voru í öllum lykilstöðum stjórnkerfisins og leyfðu þessu að gerast og reyndar hvöttu til þess enda samkvæmt Elítu-teoríunni sem þeir höfðu barið inní höfuð innbyggja með própaganda.

Eg hafði reyndar aldrei trú á þessu.  Eg tók aldrei þátt í þessum fíflagangi og gerðist aldrei meðvirkur í dansinum kringum Sjallagullkálfinn.    Eg sá aldrei snillina í þessu og enn síður gat eg séð að það meikaði einhvern sens að íslendingar væru genatískt  fjármálasnillingar.  Hinnsvegar, vissulega, kom mér umtalsvert á óvart hve margir gleyptu við þessu.  Hve útbreydd þessi trú var.  Hve margir fóru allt í einu að gerast einhverjir hlutabréfaspekingar alveg útí bláinn o.s.frv.

En samt sem áður sá maður ekki fyrir að hrunið gæti gerst svo skyndilega og það yrði svona algjört.  Maður sá fyrir sér að eitt eða tvö stór fjármálafyrirtæki færu á hausinn með einhverjum afleiðingahala og vandræðum og einnig  sá maður fyrir sér að gjaldeyriskreppa hlyti að verða afleiðingin fyrr eða síðar.  En að það gerðist svona skyndilega og allt legðist saman í einn punkt með alsherjarhruni - það var etv. erfitt að sjá það fyrir.

Það var síðan verulega átakanlegt að horfa uppá hve Sjallar voru algjörlega ráðalausir þegar á reyndi.   Það var eiginlega það sem var svo sjokkerandi.  Ráða- og vitleysi Sjalla.  Vegna þess að nefndur pólitískur flokkur hefur verið langstærsti og valdamesti flokkur frá Lýðveldisstofnun.  Hafa verið nánast einráðir og þar eru miklir fjármunir og allt til alls - og að forsjálnin,  þekkingin og vitið skuli ekki hafa verið meira  en þetta - það var sjokkerandi.  Og er enn sjokkerandi.  

Ef nefna á eitthvað jákvætt við hrunið þá má benda á það,  að hrunið afhjúpaði  framsjalla og elítuna alveg gjörsamlega.  Innbyggjar virðast samt lítið sem ekki neitt hafa lært af þeirri afhjúpun svo sú jákvæðnihlið fer fyrir lítið.  Eða ef þeir hafi á einhverjum tímapunkti lært eitthvað af því - þá virðast talsvert margir vera búnir að steingleyma því núna eftir 5 ár.

Íslendingar tóku gagnrýni sem árás