Ingólfur Arnarson (Björgúlfsson) var aldrei til.

því var lengi trúað að til hafi verið einhver ,,fyrsti landnámsmaður" sem hafi heitið Ingólfur Arnarson eða Björgúlfsson. Og þetta höfðu allir algjörlega fyrir satt lengi vel og sumir að þvi er virðist enn í dag. það er algjörlega öruggt að Ingólfur Arnarsson var aldrei til sem slíkur. Hann er skáldskapur eða tilbúningur.

það má ma. sjá á því af hvaða ættum hann er sagður vera. Hann á að vera af ætt Hrómundar Gripssonar fornaldarskáldskaparpersónu. Með því voru skrásetjar bókstaflega að stafa fram að hann væri tilbúningur. Enda vissu menn vel á þeim tíma að Hrómundur hafði aldrei verið til - og þ.a.l. gat hann ekki átt neinn ættlegg.

Galdurinn í fyrstu frásögnum er, að menn vita vel að þetta er skáldskapur eða tilbúningur - en samt vilja þeir gefa því raunveruleikablæ td. með að tengja örnefni við menn. Sem dæmi í tilfelli Ingólfs svo sem Ingólfshöfða o.s.frv.

þetta er eiginlega alveg nauðsynlegt fyrir innbyggjara núna 2012 að gera sér fulla grein fyrir. Ingólfur var ekki til og sennilega er mestöll Landnáma skáldskapur eða tilbúningur.

Hvar er Ingólfur Arnarson jarðaður?

Svar: Uppi á Ingólfsfjalli í Ölfusi! Segi og skrifa. þar er talsvert stór hóll sem heitir Inghóll og þar var gæjinn jarðaður, að eigin ósk.

þessu trúðu menn allar götur þar til í gær. Sagt er að Stymir prestur hafi minnst á að Ingólfur hefði verið jarðaður þarna. En Styrmir var uppi á 12. öld. Ekki þekki eg þó til hvers menn vísa nákvæmlega þar.

þarna er náttúrulega um kristaltæra virkun Náttúrunafnakenningarinnar. ,,Ing" hefur verið notað um eitthvað sem skagar uppí loftið. Fjallið Ingólfsfjall hefur augljóslega heitið Inghólsfjall.

Sennilega hafa menn notað Inghól sem viðmiðun á sjó.

þetta hefur þ.a.l. ekkert með einhvern Ingólf Arnarson að gera. Menn hafa bara, seinna meir, búið til mannsnafn útúr náttúrunafni.