Geir dæmdur sekur.

það upplýstist í dag að fyrrverandi forsætisráðherra þeirra Sjalla var dæmdur sekur af þar til gerðum dómsstóli. Sem vonlegt var.

Hann ætlar víst að fara með mál sitt fyrir Mannréttindadómsstólinn og ber sig saman við Tímósjenkó hina Úkraínsku.

Fleiri Sjallar stefna á Mannréttindadómsstólinn og má búast við að þar verði þröngt á Sjallaþingi.

Trampólínæðið.

það er sérstakt að sjá þetta trampólínæði sem veltur yfir þetta land hérna. Við hvert hús nánast er heljarmikið trampólín þar sem börn og unglingar hoppa á í algjöru tilgangsleysi og af furðulegri ákefð.

það er eins og fólk hérna hafi aldrei heyrt að þetta er hættulegt og ef krakki biður um að slíkt sé keypt - þá á alltaf að segja nei! það er eins og allir hérna uppi í fásinninu segi já!

þetta er þó eitt en annað er að það virðist enginn hafa heyrt af því að aðeins á einn að vera í einu á trampólíni. þ.e.a.s. ef það er í fyrsta lagi keypt (sem ætti ekki að gera). Nei nei, það er bara fjöldi einstaklinga á trampólínum að hoppa í tilgangsleysinu.

Aldrei nokkurntíman sést fullorðinn einstaklingur fylgjast með. Aldrei nokkurntíman. Og það virðist sem enginn hafi nokkurusinni heyrt að þetta er stórhættulegt og aldrei á að hleypa fleirum en einum í einu á slíkt hopputæki. Alveg merkilegt allt hérna í fásinninu.

Réttarnefnd gerir athugasemdir við seinni geðmatsskýrslu

um ástand B.
http://nrk.no/227/dag-for-dag/ber-om-tilleggserklaering-1.8094862
það var gert opinbert í dag að sérstök nefnd sérfræðinga gerir athugasemdir við skýrslu er mat B. sakhæfann. Nefndin vill að lögð sé fram viðbótarskýrsla þar sem niðurstöðurnar um sakhæfi séu undirbyggðar betur eða komið með svör við nokkrum athugasemdum og spurningum er nefndin veltir upp.

Fyrri geðmatsskýrsla sem mat B. ósakhæfan fór án athugasemda gegnum nefndina.

Nú velta fjölmiðlar í Noregi því fyrir sér hvað þetta þýði og eru menn ekki sammála um það. Sumir vilja meina að ekki beri að ráða of mikið í þetta og benda á að ekki sé óþekkt að yfirnefnd fari fram á viðbótarupplýsingar. Aðrir vilja meina að athugasemdirnar séu þess eðlis að það hljóti að styrkja fyrri geðmatsskýrsluna verulega.