Íslenskur landnemi í Kanada skrifar um indíána 1877

í blaði einu sirka 1877:

,,7. Um Indíána.

þegar við komum hingað, voru hér margir Indíánar; þeir eru meinlausir sem lömb, viðvikagóðir og hafa hvervetna gjört oss gott eftir föngum, en aldrei ilt; en sé þeim ilt gjört, eru þeir fullgrimmir til að hefna sín. þeir eru rauðmórauðir á lit, allir skegglausir; fremr eru þeir feimnir og virðast hálf hræddir við menn, fyrr en þeir reiðast.  þeir áttu hér mörg hús og höfum við fengið þau öll, sum keypt, en sum ekki. - Flestir Indíánar eru nú fluttir norðaustr yfir vatn, en fáeinir eru þó eftir. - þegar bólan kom, var sem púðri væri hleypt í endann á þeim, fluttu svo með sér bóluna og drápu svo niðr félaga sina með því. Meinleysingja þessa dettr engum í hug að hræðast."

http://timarit.is/view_page_init.jsp?issId=148464&pageId=2133248&lang=is&q=Ind%ED%E1nar

Svona tal hafa fræðimenn sýnt fram á að er dæmigert fyrir tal nýlendukúgara hvar sem þeir komu á þessum tímabilum. það er augljóst að hann lítur ekki á frumbyggjana sem menn heldur frekar sem dýr sem sjálfsagt sé að stela landinu af jafnt sem híbýlum. Framsetningin er að þetta sé svona hálfmenni sem engu skipti barasta nema þá helst sem þrælar.

Staðreyndin er að við Winnepegvatn voru indíánar fyrir. Í stuttu máli var það þannig að Kanadastjórn átti að sjá um að fjarlægja þá en sumir ættbálkar neituðu að fara af landi sínu. það sem gerðist svo er ekki alveg vitað fyrir víst. það er vel mögulegt að íslendingarnir hafi beitt ofbeldi þarna með tilheyrandi afleiðingum sem óþarfi er að lýsa.   það sem vitað er að gerðist var að íslendingar báru með sér bóluna og smituðu indíána á svæðinu.  Íslendingurinn lýsir því nú fallega.

Aðallega var um Cree-Indíána að ræða á svæðinu ásamt nokkrum fleiri flokkum. þá grein sem kallaðir eru Swampy cree.