Evran lifir, ESB lifir, en andsinnar á Íslandi eru með allt niðrum sig og bulla bara.

Það er ekki bermilegt ástandið á andsinnum íslands og málflutningur þeirra í samræmi við það.  Þeir bulla og þvaðra.  En af ESB og Evru er það að frétta, - að allt er bara í gúddý!  Skil tæplega hvernig einhver fæst til að setja fjármagn í þessar bullsíður andsinna.  En jú jú, LÍÚ á nóg af peningum sem þeir kreista útúr verkalýðnum eftir að hafa hrifsað til sín eigur og auðlindir þjóðarinnar.

Öryggisástand framsjallafyrirtækja í molum.

Og það kemur ekki á óvart.  Er allt í molum hjá þessum mönnum.  Það eina sem þeir hugsa um er að moka fjármunum frá almenningi undir sinn elíturass og skítt með það þó þjóðin slasist og meiðist.  Þeim er alveg sama.  Þeir telja bara peningana sem koma undir elíturassinn ásamt LÍÚ.

Vísitala neysluverðs hækkar um 1,02% milli mánaða.

Afleiðingin af framsóknarmönnum kemur í ljós.  Þeir seildust í vasa hinna verr stæðu og létu aðallega hina best stæðu fá.  Neysluverðsvísitalan komin á skrið.  Meiri óhappamennirnir þessir framsjallabjálfar.  Ekkert geta þeir gert nema að færa hinum auðugu fé sem þeir nappa frá almenningi.  Ástandið á landinu er að verða óþolandi vegna hroðaframferðis framsjalla.

Framsjallar verða að skila lyklunum.

Þetta er bara búið hjá þeim.  Fylgið farið.  Það er nánast núll.  Hver fráleita uppákoman á fætur annari hjá þessu og bullmálflutningurinn svo yfirgengilegur og forkastanlegur að ekki er sæmandi að þeir dvelji lengur við kjötkatlana mokandi feitu bitunum uppá elítudiska um leið og seylst er í vasa hinna verr stæðu í samfélagi.  Þessir framsjallar eru reginhneyksli og blasir það orðið við hverjum manni.

Hægri-Öflin hafa misst alla stöðu. Ríkisstjórnin er týnd.

Það er óhætt að segja að fljótt skipast veður í lofti í íslenskri pólitík.  Hægri flokkarnir sem lofuðu fólki fullt af pening fyrir síðustu kosningar og komust þannig með svikum og prettum að kjötkötlunum, hafa molast niður og virðast nánast rústir einar.  

Ríkisstjórnin virðist horfin og læðist með veggjum enda hvert floppið á eftir öðru komið úr þeim ranni.  Ríkisstjórnin virðist ekkert geta gert almennilega, - nema náttúrulega að seylast í vasa þeirra verst stæðu og færa auðmönnum.

Það sem situr þá eftir og vekur ugg, er hve auðveldlega hægri-öflin fífluðu kjósendur 2013.  Það situr eftir og er umhugsunarvert.

Málflutningur andstæðinga Evrópusambandsins er að koma þeim um koll.

Eg reyndar margvaraði andsinna við þessu.  Eg sagði:  Verið málefnalegir andsinnar, takið debattinn á málefnalegan hátt, ekki ljúga og reyna að villa um fyrir fólki.  Ekki beita ofbeldisprópaganda o.s.frv.

Eg margbenti þeim á þetta og varaði þá við því að þetta mundi koma sem búmerang í hausinn á þeim.  

Það gengur og eftir.  Flest er nú í molum hjá andsinnum og þeir hafa engan grunn til að standa á,  eru með allt niðrum sig kallagreyin.

Þetta virkaði hjá þeim í smá tíma en ómálefnalegheit þeirra eru afleit til lengra tíma litið. 

 

Það er nú meira hvað hægri-menn elska Samfylkinguna.

Eg hefði bara fyrirfram ekki trúað þessu.  Eg hélt að Samfylking skipti hægri-menn engu máli, - en jú!  Nú sér maður það að hærgi-menn umvefja Samfylkingu umhyggjuorðum og gæsku að aðdánlegt er.  

Samfylkingin er líklega mikilvægsta pólitíska afl í þessu landi.  Og það er af því að grunnurinn er Jafnaðarprinsipp og réttindi einstaklinga, mannréttindi.  Þetta er eiginlega mikilvægasta stefna í öllum vestrænum lýðræðissamfélögum.

80% kjósenda vilja fá að kjósa um framhald Aðildaviðræðna við Evrópusambandið.

Þetta er soldið magnað.  Meirihlutinn ræður.

Hvað þýðir þetta fyrir utan Evrópusambandsmál?  Jú, það er alveg ótvírætt, að mínu mati, og þá horfi eg til annara þátta sem styðja það svo sem eina þjóðaratkvæðagreiðslu og skoðanakannanir, - að það er alveg gríðarstuðningur við það að fólk eigi að geta krafist þjóðaratkvæðagreiðslna um mál.  Og þetta virðist viðvarandi stuðningur yfir fleiri ár.  

Samt er ekkert að gerast í þessu máli.  Þ.e.a.s. þjóðaratkvæðagreiðslumálinu.  Það er ekki verið að gera neitt til að lögfesta slíkt fyrirkomulag.  Ja, það átti að gera það í Stjórnarskránni en sjallar og framsóknarmenn ákváðu að þá væri ekkert að marka þjóðaratkvæðagreiðslur.  

Fólkið launaði þeim með því að kjósa hina sömu, þ.e. framsjalla, til einvalda.  Hélt fólk að framsjallar myndu koma þjóðaratkvæðagreiðslum á koppinn??

Ríkisstjórnin virðist vera á fleygiferð með Ísland inní Evrópusambandið.

Eg get ekki séð annað en Ísland sé á fullu stími í átt að Brussel með núverandi ríkisstjórn við stýrið.  Þeir kynda vel í vélarúminu og kúrsinn viðist þráðbeinn.  Beint til Brussel.  Eg get ekki séð annað.  Orð og athafnir eru sitthvor hluturinn.  Það er ekki málið hvað menn segja heldur hvað menn gera.

Er ríkisstjórnin að reyna að koma Íslandi inní Evrópusambandið?

Um fátt er nú meira rætt manna á meðal en undarlegt háttalag ráðamanna hérna svokallaðra.  Hver stórundarlega uppákoman af annari eins og menn þekkja og þarf ekki að fara yfir þau ósköp.  

Skýringin á undarlega háttalaginu er kannski að ríkisstjórnin er að reyna að koma Íslandi inní Evrópusambandið. Þannig mundi háttalag ráðherranna meika einhvern sens.

Þ.e.a.s. að haga sér sem afkáranlegast í alla staði og spillingast svoleiðis að erfitt er að lýsa.

Eg sé ekki betur en ríkisstjórnin sé að reyna að snúa öllum innbyggjum til fylgis við Evrópusambandið með þessum undirfurðulega ráðslagi eða öllu heldur ráðleysis.