Forsætisráðherra framsóknarmanna bullar núna á Bylgjunni eins og hann sé á þreföldu helgarkaupi.

Hahaha það er ekki enn komið orð af viti frá drengnum eftir klukkutíma.  Bara einhvert þvaður.  Hann virðist bókstaflega ekki vita neitt um nokkurn hlut er varðar stjórn landsins.  Engar staðreyndir réttar en í besta falli  aðeins fabúlerað og spunnið útfrá einhverjum strámönnum sem hann smíðar í kjallaranum heima hjá sér.  

Verðmerkingar í verslunum almennt hefur farið stórlega aftur. Þetta er allt meir og minna ómerkt, á hvolfi og allaveganna

Það er bara tilviljunum háð, virðist vera, hvort er merkt og þó einhver verðmiðaskjatti sé einhversstaðar nærri vöru - þá er alls óvíst hvor um rétt verð sé að ræða.  Stundum snúa verðmerkingar á hvolfi!  á hvolfi.  Sennilega fyrir þá sem ganga á höndum um verslanir landsins.

Eftirlitsaðilar eru augljóslega ekki að standa sig og/eða að kerfi til að framfylgja þessu og reka á eftir þessum sjallamönnum viðkomandi verslanna.  Þetta er allt í molum, að því er virðist og sjallar ganga á lagið.

Enda, hvernig var það hérna hjá einhverju eftirlitinu um árið?  Jú, eftirlitið bannaði verslunum að verðmerkja vöru!  Halló.  Bannaði.  

Með sama áframhaldi verður þetta eins ég varð vitni að í utanevrópu ríki einu fyrir nokkrum árum.  

Í því ríki kom maður inní verslun og bara happa og glappa hvort verðmerkt var og yfirleitt ekki.

Svo endaði með því auðvitað, að  maður ákvað að kaupa það sem manni vantaði.

Ok.  Svo kom maður að kassanum - og þá horfði afgreiðslumaðurinn dágóða stund á mig, líkt og til að mæla mig út - síðan stimplaði hann inn verðin.

Þá var þetta bara svona í þessu ríki.  Afgreiðslumaðurinn ákvað einfaldlega verðið á staðnum.

Svona verður þetta hérna bráðum með sama áframhaldi og ef framsjallamenn halda áfram uppivöðslu sinni. 

Könnuðu verðmerkingar í verslunum

Núverandi stjórn á landinu er í tómu rugli.

Þar kemur margt til sem leggst saman og verður = Rugl.

Fyrst ber að geta óábyrgra framkomu núverandi stjórnarflokka á síðustu 4 árum sem var svo stigvaxandi í aðdraganda kosninga og endaði með eindæma hálfvitagangi sem kunnugt er.

Þar má segja að Framsóknarflokkur svokallaður hafi gengið mun lengra.  Sjallamannaflokkur hélt sér meira við sitt hefðbundna bull þó vissulega hafi hann gengið lengra í bullinu en yfirleitt áður.

Nú, í stuttu máli, þá leiddi þetta til að Framsóknarflokkurinn fékk mikið aukafylgi vegna ákveðinna loforða sem var þeirra eina kosningamál.

Þeir urðu í sterkari stöðu en Sjallamannaflokkur eftir kosningar.

Það var ekki ætlast til þess af Sjallaflokki.

Síðan er mynduð stjórn með formann framsóknar sem Aðal.

Strax eftir örfáar vikur má alveg greinilega sjá þess merki hjá Sjallamannaflokki að þeim er alveg sama þó formaður Framsóknar og Framsóknarmenn amennt sæti gagnrýni.  Þeim er alveg sama.  Í rauninni kemur gagnrýni á hegðan Framsóknar ekki síst frá Sjallaflokki!  Jafnframt sem gagnrýnin felst líka í passívri afstöðu.  Þeir bara þegja þegar mál Framsóknar komast á kreik.

Þetta mikilvæga atriði er eins og margir hafi ekki komið auga á.  Samt sem áður er það mjög áberandi ef grannt er skoðað.

Þarna er algjörlega kunnuglegt ferli hjá Sjallamannaflokki.  Þeir sætta sig afar illa við að Framsókn sé Aðal í ríkisstjórn.  Þeir vilja vera Aðal.  

Hugmyndin og uppleggið  hjá Sjöllum er að Framsókn og formaður þeirra verði fljótt  afar óvinsæll - og þá kemur Bjarni og Sjallar og einfaldlega stilla Framsókn upp við vegg, taka forsætisráðherrastólinn og verða Aðal.  Þannig hugsa þeir þetta.

Merkilegur leikur Spánverja og Ítala í gær.

Í byrjun leiksins sýndist manni að gamla sagan ætlaði að vera sögð þarna.  Þ.e. að spánverjar myndu leika sér með boltann lon og don og aðeins tímaspursmál yrði hvernær þeir skoruðu mark.

En Ítalir voru mjöög skipulagðir í sínum aðgerðum.  Varnarleikurinn og varnarkerfin alveg uppá 9.9 og virtust vera búnir að kortleggja Spán í smæstu atriðum.

Ítalir drógu sig aftarlega og leyfðu spánverjum einfaldlega að vera með boltann.  Síðan komu afar hættulegar skyndisóknir þegar færi gafst.

Það sem kom á óvart er líða fór á fyrri hálfleik var hve oft Ítalir náðu hættulegum og snöggum sóknum.  Það var eins og það kæmi þá smá saman hik á spánverja.  Þeir fóru að verða ragir við að pressa framanlega og leituðust við að skipuleggja betur hjá sér vörnina.  Við það komust Ítalir smátt og smátt inní leikinn og voru í framhaldinu meira með boltann en maður hefði búist við.

Eftir þessa byrjun, þá var eins og  leikurinn færi í jafnvægi og var mjög taktískur þar sem hvorugt liðið vildi fá á sig mark.  

Í restina sóttu spánverjar  í sig veðrið og náðu nokkrum sinnum þungri pressu á mark ítala án þess að það skilaði árangri.  ´

Í framlengingunni fékk hvort lið eitt hættulegt færi.

Að meðaltali var Spánn samt örlítið betra, að mínu mati.  Í heildina.  Þeir voru meira með boltann og náðu þungri pressu á köflum í leiknum.  Þeir voru sterkari.

Þessvegna var niðurstaða vítaspyrnukeppninnar í sjálfu sér sanngjörn þó alltaf sé heppni með í spilinu í slíkum tilfellum.

Í framhaldi, varðandi komandi leik Brasilíu og Spánar, þá mundi ég ætla að sá leikur byrjaði með að Brasilía verði meira með boltann.  Spánverjar sýndu gegn ítölum að þeir geta alveg leikið taktískan varnarleik.   Þeir þurfa ekkert endilega að hafa alltaf boltann og spila reitarspil.  

Eg býst við að brassar mæti grimmir og frískir og muni pressa Spán framarlega.  Reyni að taka Spán á eigin bragði, ef svo má segja, og vilji reyna að setja mark snemma og koma spánverjum í vandræði.

Eg met það svo, að spánverjar muni bara bjóða Brasilíu uppá slíkt.  Þeir munu skipuleggja vörnina í fyrstu og vinna sig svo smá saman inní leikinn.  Leyfa Brasilíu að reyna og sæta svo lagi á skyndisóknum og vinna sig svo útfrá því inní leikinn.  Í rauninni þreyta Brasilíu.  Eins og þeir gerðu um miðbik leiksins gegn Ítalíu.

Sjálfstraust spánverja virðist gífurlegt um þessar mundir. 

Spánverjar lögðu Ítali í bráðabana

Ég hélt að forseti vor hefði tilkynnt innbyggjurum um að Merkel og ESB vildi ekki fjölga aðildarríkjum um þessar mundir.

Einhverra hluta vegna hefur enginn sagt þeim serbum frá þessu.  Og mér finnst að forseti vor ætti nú að sýna þeim serbum það vinarþel íslensku þjóðarinnar - að láta þá vita af þessu.  Merkel og ESB vill ekki fjölga aðildrríkjum þessi árin.

ESB hefur aðildarviðræður við Serbíu

Sennilegast bjuggu íslendingar mestanpart neðanjarðar í gegnum aldirnar. Grófu sig inní hóla og ofan í jörðina og bjuggu þar.

Torfbæir voru náttúrulega margir og mismunandi.  Sýnt hefur verið fram á nokkrar mismunandi tegundir eftir landshlutum.  

Þar fyrir utan er sennilegast, að torfbæir eins og nútímafólk yfirleitt skilur orðið, koma ekki til  almennt fyrr en á 19.öld.  Sennilegast.

Fyrir þann tíma voru það hugsanlega eingöngu heldra fólk og betri bændur sem gat búið í álíka bæjum.

Almenningur líklega gróf sig inní hóla og/eða ofan í jörðina og í sumum tilfellum var settur einhver þakskjatti yfir til málamynda eftir atvikum.

Fornar heimildir styðja þetta.  Td. segir svo í riti Blefkens (Já já, hann var talinn vitleysingur og vondur útlendingur í eina tíð - en síðari tíma rannsóknir benda til að að margt sem hann segir og lengi vel var talið vitleysa og óhróður um íslendinga - gæti í raun vel verið rétt.  Þó vissulega sé hann barn síns tíma og upptekinn skrímslum o.þ.h.):

,, Kot sín hafa þeir við ströndina vegna fiskveiðanna - og eru þau neðanjarðar vegna hinna feiknalegu storma...

Hús þeirra eru öll neðanjarðar vegna þess að byggingarefni skortir..." 

http://landsbokasafn.is/uploads/kjorgripur/gloggt.pdf

Íslendingar í torfbæjum í 1000 ár

Basl á Brössunum.

Það verður að segjast eins og er, að lítið bar á skemtilegum stíl Brasilíu í leiknum gegn Úrúgvæ í kvöld.  Þetta var talsvert basl hjá þeim og þeir gerðu, mörgum til mikillar furðu, nokkur grundvallarmistök.  M.a. sýndu þeir sérkennilegan varnarleik á köflum og fengu á sig vítaspyrnu í byrjun fyrir brot sem sparkfræðingar hafa kallað ,,hálfvitalegt brot".  Úrúgvæ klúðraði svo spyrnunni.

Að vísu, að vísu ber að geta þess strax, að Úrúgvæ lék býsna massíft og gjörþekkja sennilega Brasilíska liðið og gerðu þeim afar erfitt fyrir.     Voru þéttir aftur á við og fóru grimmt í alla bolta á miðjunni.  Náðu að verjast þokkalega kantspilinu sem oft hefur verið ein sterkasta hlið Brasilíu.  Voru síðan fljótir að snúa vörn í sókn þegar tækifæri gafst enda snjallir framherjar og reyndir þar á bæ.

 Samt sem áður verður að segja, að Brasilíska liðið virkar ekki eins sterkt og oft áður.  Leikstíllinn er líka dáldið öðruvísi eða þeir eru ekkert feimnir við það núna að fara útí að sumu leiti gamaldags evrópskan stíl, langar sendingar yfir miðjuna fram á mjög líkamlega sterka framherja.

Það getur náttúrulega líka verið kostur að geta haft slíkan stíl eða taktík í farteskinu.   Fjölbreytni.  En stundum virkar það þannig eins og Brasilía sé í vaxadi mæli að leita inná slíkan stíl - á kostnað sambaboltans.

Ennfremur má nefna, að setja má spurningamerki við hvort leikmenn Brasilíu séu nægilega agaðir.  Stundum komu furðulegar ákvarðanir í varnarleiknum eins og áður er sagt og bæði vítaspyrnan og mark Úrúgvæ komu vegna atvika í varnaleik sem var algjör óþarfi að bjóða Úrúgvæ uppá.

Ef Spánn vinnur Ítalíu í hinum leiknum, sem alls ekki er hægt að fullyrða, þá met ég það svo að fyrirfram ætti Spánn að vera  sigurstranglegra. 

Mjög fróðlegt verður að sjá hvernig Brassarnir koma inní þann leik eða vilja leggja þann leik upp.  Jafnframt sem fróðlegt verður að sjá hvernig Spáni gengur að spila sinn hefðbundna bolta gegn Brasilíu.  Því efast má um að Brassarnir vilji horfa mikið á Spánverja spila sín á milli langtímum saman eins og oft er hlutskipti liða sem spila við Spán á síðari árum. 

Paulinho kom Brasilíu í úrslitaleikinn

Greinilegt að framsjallar halda um stjórnartauma. Nú skal fólk fá að finna fyrir því! Svipan á loft.

Þetta var í raun alveg fyrirsjánlegt, að þegar þeir framsjallar og vilhjálmur bjarnason væru teknir við stjórnartaumum þá myndi hefjast  umsátur um heimilin í landinu hérna.    Algjörlega fyrirséð.  Nú skal allt tekið til baka sem fv. stjórnvöld færðu almenningi.  Allt tekið til baka og flutt beinaveginn til elítunnar í landinu.

Drómi tekur til baka endurútreikning

Fjallkonan við Afréttarskarð. Sérkennilegasti fornleifafundur á Íslandi.

 Árið 2004 fannst,  fyrir algjöra tilviljun,  beinaleifar og skartgripir frá 10.öld í um 700 m. hæð á Vestdalsheiði rétt við Afréttarskarð.    Fljótlega fékk fundurinn nafnið Fjallkonan eða Landnámskonan.   Fundinn bar að á mjög tilviljunarkendan hátt.  Tveir menn voru á göngu og þá skall á niðdimm þoka.  Þeir voru þarna á afar fáförnum slóðum,  þó fyrr á tíð hafi verið alfaraleið yfir svokallað Afréttarskarð sem er þarna nálægt. 

Þá ráku þeir tærnar í eitthvað sem þeir töldu vera járnarusl.  En annar fundarmanna fór að skoða aðeins betur og áttaði sig á að um gæti verið að ræða eitthvað merkilegt.  Síðan var fundurinn tilkynntur til þar til bærra aðila.

Eftir rannsókn,  þá er  óvenjulegt að það finnist svo margir skartgripir á einum einstaklingi.  Um er að ræða einstakling um tvítugt.  Jafnframt er óvenjulegt að það finnist slík fornleif á svo afskekktum stað í svo mikilli hæð.

Sennilega gæti þarna verið um að ræða völvu enn hugsanlega gæti verið um að ræða höfðingjakonu.  En það er sérkennilegt að hún hafi verið ein á ferð og ekkert hafi verið grenslast fyrir um hana.  Ef um völvu hefur verið að ræða gæti skýringin legið í því.  Hún hefur dáið þarna einhverra hluta vegna og - enginn hafi viljað eða þorað hreyfa við legstað henar.  Ólíklegt er að höfðingjakona hafi verið ein á ferð á þessum tíma.

Á 10.öld var sennilega álíka hlýtt og nú á Íslandi og ekki verið snjór þarna.  Síðan eftir að kólanaði á 12.öld hefur verið snjór á þessu svæði mestallt árið, allavega á síðari öldum, og það tryggir góða varðveislu gripanna.  

Þegar fundarmenn gengu fram á Fjallkonuna, þá hefur það líklegast verið bara stuttu eftir að mögulegt var að finna hana vegna snjóa.   

Er dáldið merkilegt.  Það er eins og þeir hafi verið leiddir á staðinn.  Eintómar tilviljanir.

Um þetta var ágætisþáttur á RUV í kvöld: 

http://www.ruv.is/sarpurinn/fjallkonan/25062013-0

Framsjallahyskisstjórnin ræðst á ríkisútvarpið.

Það verður sífellt ömurlegra  að horfa uppá aðfarir þessa hyskis sem framsjallar eru.  Nú ætla þeir að láta verða eitt af sínum fyrstu verkum að ráðast á fjölmiðil þjóðarinnar og kúga undir ógeðisvald Valhallar.    

Þetta er ömurlegra og átakanlegra en orð fá lýst að þurfa að horfa uppá þessi ósköp sem stjórn framsjalla er.  

Allir þeir sem kusu þetta bera fulla ábyrgð á þessu öfgahyski sem framsjallar eru.