Framsóknarmaður og forseti alþingis brjóta þinglög og skemmta sér vel við brotastarfsemina.

Eigi var fagurt að líta óbermishegðun framsjalla á þingi í gær.  Brotastarfsemi hægri vinstri og virðing fyrir þingi engin.  Létu eins og fífl.  Sjálfur forseti alþingis höfuðpaurinn.

Fyrst kom framsóknarmaður upp í stól og bullaði eins og framsóknarmenn eru vanir.  Í þetta skipti um einhvern grafreit austur í Hreppum.   Fljótlega uppúr því hófst brotastarfsemin:

http://www.althingi.is/altext/upptokur/raeda/?raeda=rad20141105T152723

Getur það staðist að skattleggja heildarskuldir fjármálafyrirtækja í slitameðferð?

Eg held ekki.  Sérstaklega ef haft er í huga, að hluti krafna fæst aldrei greiddur.

Það væri með ólíkindum ef dómsstólar féllust á upplegg það sem sett er fram í lögunu um skattlagningu þrotabúa.  Jú jú, það kemur alveg til álita einhver skattlagning þarna - en hvernig framsetningin er, þ.e. hve breiður skatturinn er og brútalt - þetta fæst enganvegin staðist og það er frekar mikið áberandi að skatturinn er gegn meginregum skattalaga.

Jafnframt rýrir þetta kröfurnar sem slíkar náttúrulega og er þvert á það sem almennt tíðkast.  Þetta er hænufet frá eignaupptöku og sennilega nær hálfu hænufeti.

Ef þrotabúin bregðast ekki við og beita sér í dómsmáli - þá væri það eiginlega mjög furðulegt.

Þessvegna er sérkennilegt að heyra stjórnmálamenn tala eins og ekkert sé sjálfsagðara en þessi skattlagning.  Þessi skattlagning er ekkert sjálfsögð og nokkuð margar hliðar á henni sem vekja spurningar sem þrotabúin hljóta að vilja fá svarað í dómssölum.

Ennfremur hlýtur þetta bara að vekja eftirtekt erlendis.  Vegna þess að talað er um að um 94% krafna séu erlendar.  

Erlendir aðilar hljóta einfaldlega að hugsa sig vel um áður en þeir láta peninga hingað upp.   Augljós hætta er á að Þeim peningum sé  öllum meira og minna stolið með einum eða öðrum hætti og flestir, nánast allir, tala bara eins og það sé sjálfsagt.

Eg er hræddur um að það sé líklegt að bankaskattur á slitabú verði dæmdur ólöglegur.

Ef dómsstólar hérna fallast á þennan skatt án athugasemda - þá væri það eiginlega mjög skrítið.

Það eru nokkuð margar ástæður fyrir því að eg tel líklegt að þetta muni lenda í einhverri vitleysu í dómsferli.

Slitabúin hafa nokkur sterk rök með sér - ef þau vilja beita þeim.  Og búast má við að þau muni vilja beita sér af öllu afli gegn skattinum, allavega í því formi sem hann er nú ráðgerður.

Eru tómir vitleysingar í ríkisstjórninni?

Það verður að segjast eins og er að viðbrögð ráðamanna við mótmælunum í gær eru afskaplega sérkennileg.  Það er engu líkara en ráðamenn séu bæði veruleikafirrtir og vitlausir.  

Það er eins og þeir hafi orðið alveg steinhissa yfir að þjóðin er brjáluð vegna óheiðarleika og lygi framsjalla.  Samt hef eg margsagt mönnum þetta hér.  Það er allir brjálaðir útí ykkur, hef eg sagt.  

Jú jú, hugsanlega hef eg dregið heldur úr lýsingunum á reiði þjóðar útí framsjalla frekar en hitt.  Eg tek þá sök á mig.  Að hafa farið of mildum höndum um framsjallaóbermin.

Skynsamlegast væri fyrir stjórnvöld að segja af sér áður en eitthvað verra hlíst af.  

Eg er td. hræddur við ef framsóknarmenn fara að ausa um 100 milljörðum úr ríkiskassanum til vel stæðra einstaklinga undir verkstjórn Brynjars og þeirra sjalla.  Það gæti barasta framkallað byltingu.

Þessvegna vil eg biðja framsjalla fallega:  Segið af ykkur og boðið til kosninga.

Eg sé ekki aðra leið en send verði bænaskrá til Norðurlanda um að þau reki Heilbrigðiskerfið hérna og jafnvel Menntakerfið líka.

Eitthvert skatthlutfall mundi þá renna til þeirra í staðinn.

Það er alveg útséð með það að framsjallar geti eða vilji halda úti Heilbrigðis- og Menntakerfi fyrir almenning hérna.

Það þarf að moka svo mikið undir elíturassa og ofur-ríka að ekkert er afgangs fyrir þjóðina. 

Guðmundur byrjar vel sem landsliðsþjálfari dana í handbolta.

Tveir sigrar í undankeppni Evrópumóts.  Fyrst öruggur sigur á Litháen og í kvöld sterkur útisigur á Bosníu 23:25.    

Þeir danir fylgjast grannt með framvindu mála, eðli máls samkvæmt.  Talið er í Danmörku að ákveðin grunnbreyting fylgi Guðmundi frá fyrrverandi þjálfara sem var dani og hafði verið lengi.

Fyrrverandi þjálfari lagði aðal áhersluna á spil eigin liðs og það átti að duga.   Þ.e. ef danir léku sinn leik og einbeittu sér að því - þá kæmi árangurinn af sjálfu sér, má segja.

Guðmundur hinsvegar er mun fræðilegri í nálgun á leikina.  Nálgunin er flóknari, má segja.   Reynir að lesa plan andstæðingana með því að skoða video, finna veika hlekki,  og aðlaga leik sinna manna að mótherjunum hverju sinni o.s.frv.

Jafnframt er varnarleikurinn öðruvísi.  Fyrrverandi landsliðsþjálfari lét oftast leika flata 6:0 vörn en Guðmundur er með allskyns útfærslur þar sem varnarmenn koma út á móti andstæðingnum og getur sú varnarstrategía orðið mjög fræðileg. 

Það er greinilegt að Guðmundur hefur mikinn metnað með danska liðið.  

Danska liðið er skipað gríðarlega sterkum einstaklingum þó vissulega séu líka veikir punktar og er stundum nefnt leikstjórnendahlutverkið.  Velta sumir fyrir sér hvernig Guðmundur muni leysa það til lengri tíma en Danmörk er á leiðini á HM eftir áramót.

Því minna sem ríkisstjórnin gerir varðandi afnám hafta - því bjartsýnni verður Bjarni!

Eg verð að segja fyrir minn hatt, að þetta er orðið þreytt.

Margt bendir til að ríkisstjórnin sé að falli komin.  Hver skandallinn á fætur öðrum og ráða- og vitleysið algjört.

Hvar sem sést til ráðamanna leynir pirringurinn og taugaveiklunin sér ekki. 

Þeir framsjallar ættu nú þegar, strax eftir helgi, að skila umboðinu áður en enn verra leiðir af þeim en nú er raunin.  

Það gengur ekki að hanga bara á valdataumunum bara vegna þess að framsóknarmönnum og sjöllum finnist svo gaman að níðast og böðlast á sinni eigin þjóð og seilast í vasa hinna verr stæðu og moka undir elítuna.

Segið af ykkur!  Strax!! 

Bjartsýnn um afnám gjaldeyrishafta