Vestmannaeyingar vanmátu Boltafélag Hafnar frá Færeyjum.

HB er fótboltafélag með mikla sögu og gott ef ekki elsta fótboltafélag Færeyja.  Jafnframt sem hafa ber í huga að fótbolti er afar vinsæll í Færeyjum og þeir færeyingar leggja mikið uppúr keppnum allrahanda.

En það er eins og vestmannaeyingar tali soldið eins og sjálfgefið hafi verið að þeir mundu sigra á heimavelli.  

Það er af og frá.

HB er með reynslumikla menn innanborðs sem bæði eru mikilvægir landsliðsmenn Færeyja og hafa leikið evrópuleiki.

Td. voru nokkrir í HB með færeyska Landsliðinu sem tapaði naumlega, má segja, fyrir Svíum 0:2 á dögunum. 

Fróði Benjamínsen fyrirliði og jafnframt fyrirliði landsliðsins, þrautreyndur.

Johan Davidsen, varnarmaður.

Auk þess komu inná gegn svíum sem varamenn,  Heini Vatnsdal og Símon Samuelsen.

 Mouritsen, Jörgensen og Gestsson voru á Bekknum.

Auk ofantaldra má nefna Andrew frá Flötum, þrautreyndur kappi en var á bekknum í kvöld vegna smávægilegra meiðsla.

Færeyska liðið er í raun reyndara en það Vestmanneyska að meðaltali.  Það eru nokkrir þrautreyndir menn þarna.

  Það er alls ekkert sjálfgefið að Vestmannaeyjar vinni Boltafélag Hafnar.

Fróði: Góð úrslit