Sá sem stóð að kaupum á Balotelli til Liverpool fær ekki háa einkun hjá mér.

Skil ekki alveg hvað þeir þarna hjá Liverpool eru að hugsa.   Fyrst Suarez með öll sín vandræði - og svo Balotelli.  

Það er eins og þeir hjá Liverpool haldi að þar sé rekin einhver uppeldisstofnun fyrir vandræðamenn.

Nú kann einhver að segja að Súarezkaupin hafi skilað sínu þegar upp var staðið.

Eg met það samt svo að í heildina og samanlagt hafi hann í raun dregið liðið niður.  Liðið náði ekki að tryggja sér meistaratitilinn.

Suarez var nefnilega að klikka í mikilvægum leikjum.  Hann var bestur þegar slakari lið voru mótherjar og hann var að klikka þegar virkilega á reyndi.  

En aftur að Balotelli, að það er alveg fáránlegt fyrir lið með standard eins og Liverpool er, að vera að taka áhættu með kaupum á Balotelli.

Eg hefði getað sagt þeim strax að áhættan væri allt, allt of mikil og maður skildi ætla að þeir hefðu lært af reynslunni með Suarez.  En nei!  Svo virðist ekki vera. 

Fyrir utan vandamálin sem fylgja manninum, þá er stíll hans talsvert sérstakur og hann er ekkert mikill liðsheildarmaður.  En á því byggist enski boltinn mestan part.  Liðsheildinni.  

það var ekki leikmaður eins og Balotelli sem Liverpool vantaði - nema þá að Balotelli gjörbreytti um stíl. 

Balotelli sakaður um ógnandi hegðun

Athugasemdir

[Helga Kristjánsdóttir, 24.10.2014 kl. 02:16]

Sumir halda að þeir geti breytt einstaklingi,algengt í sambúð. Hefði það heppnast var þjálfarinn í góðum málum,eða sá sem ber ábyrgð á kaupunum.