Bjarni er í raun bara að segja staðreynd þarna.

Burtséð frá því að Sjallaflokkur er skelfilegur hægriflokkur - þá er Bjarni samt ekki að segja nein tíðindi með þessu eða eitthvað óvænt.  Það óvænta er kannski að hann skuli segja það svona opinberlega og opinskátt.

Hef tekið eftir því að sumt fólk heldur að svokallaður forseti hafi með því að veita svonefnt umboð ákveðið hver eigi að vera forsætisráðherra eða hvernig ríkisstjórn eigi að vera.  Það er langur vegur frá því.  Forseti ræður engu um það.  Það er merkilegt hve algengt það er að fólk haldi að forseti ráði einhverju um þetta og það sýnir hve fólk er orðið ruglað í pólitíkinni og stjórnskipun landsins.

Það að Framsókn kjósi þessa aðferðafræði, þ.e. stígur uppá stall og ætlar í raun að haga sér sem þeir hafi einhvern lykil sem allt geti opnað - býður auðvitað uppá það að viðræður á bakvið Framsókn fari á fullt.  Alveg fyrirsjánlegt.  En það óvænta er að Bjarni skuli segja það svo opinskátt.

Málið virðist vera þetta:  Loforðið stendur í öllum hinum flokkunum.  Það vill helst enginn láta flækja sig inní Loforðið.  Sigmundur formaður Framsóknar er alveg augljóslega búinn að ræða Loforðið við Bjarna formann Sjalla - og fengið nei.   Sjallaflokkur hefur sagt:  Þú verður að slá duglega af Loforðinu.

Þesvegna fer Formaður Framsóknar þessa leið.  Nú ætlar hann að þvinga aðra flokka til að fallast á sem mest af Loforði Framsóknar.  Vandamálið er bara að það er ekki hægt að framkvæma Loforðið og Simminn virðist alls ekki skilja það. 

Framsókn ekki með „einkaleyfi“

Athugasemdir

[Helgi Jónsson (IP-tala skráð) 30.4.2013 kl. 23:34]

Takk fyrir þennan pistil Ómar..ótrúleg frekja í þessu sjalla pakki...heldur bara að það eigi umboðsréttin til að mynda nýja ríkisstjórn...vona bara að Simmi sjái í gegnum þetta sjalla lið...og myndi vinstristjórn með Samfó og Bjartri framtíð....þjóðarinnar vegna.

[corvus corax, 1.5.2013 kl. 00:03]

"Ég hef lýst þeirri skoðun minni að ég teldi réttast að þeir tveir flokkar sem unnu kosningarnar myndu hefja viðræður" segir Bjarni Ben. Hann hlýtur þá að vera að tala um Bjarta framtíð og Pírata sem eru hinir sönnu sigurvegarar kosninganna þar sem þeim tókst báðum að brjótast í gegnum fjórflokkamúrinn og koma mönnum inn á þing þrátt fyrir áratugalanga samtryggingu fjórflokksins. Björt framtíð kom 6 mönnum inn og Píratar þremur. Sjálfstæðisflokkurinn vann a.m.k. ekki kosningarnar þótt þeim tækist að endurheimta þrjá menn sem gengu úr skaftinu fyrir nokkrum árum. Framsóknarflokkurinn er sigurvegari á sinn hátt með sögulegri fjölgun þingmanna umfram það sem flokkurinn hefur áður fengið. En það er óhætt að ítreka það að sjálfstæðisflokkurinn er ekki í hópi þeirra sem unnu kosningarnar svo notað sé orðfæri Bjarna Benediktssonar.

[Ómar Bjarki Kristjánsson, 1.5.2013 kl. 00:25]

Já já. það er margt í þessu.

En sko, eg er ekki að segja eða taka undir að Sjallaflokkur hafi sjálfkrafa umboð, en frá því verður ekki litið að hann er aðeins stærri og bætti líka við sig fylgi. En jú jú, framsókn bætti meira við sig og er með sama þingmannafjölda.

Nú spekúlera margir í hvað sé að gerast í viðræðunum - mott mat er að miklu mun meiri viðræður hafi byrjað strax á kosninganótt og jafnvel fyrir kosningar heldur en opinbert er.

Augljóslega stendur þetta loforð um skuldarniðurfellingar og afnám verðtryggingar Framsóknarmanna í öllum hinum flokkunum. Og það er bara skiljanlegt. Það er ekki hægt að framkvæma það. Mér finnst liggja í loftinu eða í atburðunum að Bjarni og Simmi hafi þegar rætt þetta atriði sín á milli - og Bjarni hafnað því að Sjallaflokkur féllist á að slíkt yrði sett inní stjórnarsáttmála án þess að það yrði mikið breytt.

Þessvegna gerir Simmi þetta svona núna. Hann snýr sér að hinum flokkunum.

Eg mundi vara menn við því að vanmeta Bjarna í samningum. Mitt mat er að Bjarni sé miklu mun liprari samningamaður en Simmi. Hann hefur að sumu leiti sýnt það í forsögu sinni sem stjórnmálamaður. Hann hikar ekki við að sigla milli skers og báru og semja út og suður. Jaá, mér finnst fólk vanmeta Bjarna soldið.

[Jörundur Þórðarson, 1.5.2013 kl. 02:39]

Ef til vill er skást fyrir SDG að semja við BF og Samfylkingu. Þeir flokkar vilja klára aðildarviðræðurnar og vilja nýja stjórnarskrá. Kannski eru þeir í staðinn tilbúnir að gefa Framsókn tækifæri til að afnema verðtrygginguna og finna leiðir til að losa um skuldafjötra heimilanna. Gallinn við leið Sjálfstæðisflokksins er að fólki er áfram haldið í skuldafjötrum í 4-5 ár í viðbót og sér þá kannski fram á einhverja úrbót. Og þá er verðtryggingin kannski búin að stúta árangrinum aftur. Og öryggi séreignasparnaðurinn sem bankar geta ekki tekið af þér er þá horfinn. Hvað ef veikindi koma upp? Er þá allt í uppnámi?.

[Sandy, 1.5.2013 kl. 07:11]

Guð forði landunu frá að fá yfir sig Sf og BF aftur, það væri svik við kjósendur sem vildu þessa folkka alveg eindregið frá en þorðu ekki að kjósa nýju framboðin. Það virðist ekki vera hægt að koma landanum í skilningu um að ef margir flykkja sér í kring um þau framboð þá verða þeir flokkar stærri en Framsókn og Sjálfstæðið.

Það er einmitt það Jörundur að stór hluti þjóðarinnar vill ekki inn í ESB og hefur aldrei viljað það, sér þess vegna ekki tilganginn í því að eyða eins miklum peningum í þessa umsókn sem var farið af stað með án þess að þjóðin fengi að kjósa um það eins og raun ber vitni. Samfylkingin þorði aldrei að fá umboð frá þjóðinni, þau voru búin að vera með kosningar og prófkjör hægri,vinstri en þorðu aldrei að spyrja,nú kemur það þeim í koll. Eins verður Árna Páli seint fyrirgefið þau ummæli sem hann viðhafði í byrjun árs 2009 þegar hann var spurður hvers vegna hann byrjaði á að skerða tekjur eldri borgara og svarið var að það væri fljótasta leiðin til að ná í peninga fyrir ríkissjóð.

[Óskar Guðmundsson, 1.5.2013 kl. 17:33]

Það er fyrsti möguleiki Framsóknar að ræða við Samfylkingu+litlu-Samfylkingu og mynda þannig tveggja flokka stjórn studda vantrausti af Pírötum.

Þjóðaratkvæði um framhald ESB strax í haust og síðan áframhald í vinnu við Stjórnarskrá og málfrelsi ætti að skjóta stoðum undir slíka stjórn. 

Framsókn fer síðan í hrægammana með þá Frosta og Árna Pál fremsta í flokki.