Ekki í takt, - enda allt annað en Syriza lofaði fyrir kosningar og það sem þeir hafa lýðskrumast með undanfarin misseri.

Ekkert líkt.  Það er barasta allt lagt til hliðar!

Ok. þá kemur það athyglisverða:  Hvernig tala Syriza og Tsipras þá um þetta samkomulag heimafyrir?  Jú grikkir hafa brotið blað!  Og þá heimssögulega, skilst mér.

Þetta er merkilegt.  Og þá í framhaldinu hvað kjósendur þeirra gera.

Ótvíræður sigurvegari hlýtur að teljast hann Wolfgang fjármálaráðherra Þjóðverja.  Hann er að verða einn merkilegasti stjórnmálamaður Evrópu á okkar tímum.

Hann sagði bara við grikki að nú væri ríkisstjórnartími Syriza runnin upp og þá bæri mönnum að halda sig við raunveruleikann.  Dráumórar ættu þar ekki heima.  (Og hvort hann bætti ekki við, að það væri bara vandamál þess flokks sem lofaði einhverju fyrir kosningar sem hann gæti ekki staðið við.  Það væri ekkert sitt vandamál eða þjóðverja hverju menn lofuðu í hinum mismunandi flokkum fyrir kosningar.)

Ekki i takt við loforð Syriza

Syriza fellur frá sínum meginkröfum og kosningaloforðum. Engin skuldaniðurfelling og engin aukin ríkisútgjöld.

En málið er að vísu skilið eftir opið.  Þetta er frestur og um framhaldið þarf að taka ákvarðanir á nokkrum sviðum.

Í raun er flest enn óljóst hvernig Syriza ætlar að beita sér í stjórn.  Það er engin reynsla af þessum mönnum.

Verður eiginlega frekar mikið athyglisvert að fylgjast með hvernig þróunin verður í framhaldinu.  Ljóst er að Syriza hefur nú bakkað frá sínum aðal kosningaloforðum og stóryrðum síðustu ára, allavega tímabundið.