Mynd sem lýsir Ríkisstjórninni afar vel.

Alveg merkilegt ef þjóðin ætlar ekki að hafa dug í sér til að koma framsókn og sjöllum frá fyrir jól.  Það virðist eiga að draga það fram yfir áramót.  Og til hvers?  Ríkisstjórnin er versta ríkisstjórn sem hægt er að hugsa sér.  Seilist í vasa almenning, mjög djúpt, og hleypur svo með fjármuni til elítunnar og auðmanna.  Ríkisstjórnin er búin að gera í buxurnar.

Gaman að sjöllunum á ÍNN.

Þeir þarna sjallarnir á ÍNN eru alveg kostulegir á að líta og einstaka sinnum ekki hægt annað en brosa að þeim.

Fyrir það fyrsta, að þá er auðvitað sérkennilegt að sjá 4 sjalla hrósa hvor öðrum í klukkutíma á milli þess sem þeir lofa og prísa formanninn. (En það er alltaf mjög mikilvægt hjá sjöllum.  Formaður sjallaflokks er nánast bara guð í hugum sjalla sögulega séð.)

Ok. gott og vel.  Fyrir stuttu var þing þarna hjá þeim á ÍNN og safnað saman einhverjum sjallarugludöllum til að lofa og prísa hvorn annan.  Þetta var stuttu á eftir að formaður sjallaflokks niðurlægði þingmenn flokksinns með því að segja með athöfnum sínum að þingflokknum væri ekki treystandi til að gegna ráðaherrastarfi.

Samræður þeirra sjalla voru talsvert vandræðalegar og augljóst að mikil reiði er meðal þeirra - þó það megi alls ekki, alls ekki, viðurkenna opinberlega.

Svo var farið að tala um þessa hundruð milljarða sem íslendingar eiga víst von á frá vondum útlendingum og hvað ætti að gera við peningana.

Guðlaugur Þór var þarna, og varð nú talsvert vandræðalegur fannst mér, en sagði eitthvað á þá leið að ef svo færi að ríkið fengi óvæntar tekjur - þá færi allt, hver einasta króna eða evra, í að borga niður skuldir.  Allt.